رێژیما ئەسەد د ئارمانجكرنا باژارێ ئدلبێ دە بەردەوامە

ارك نیوز .. تەڤی راگهاندنا ریژیما ئەسەد و روسیا ژ راوەستاندنا شەر ل ئدلبێ لێ تا نها د بنپێكرنێن خوە دە بەردەوامن ، هەری داوی ئارمانجكرنا باژارۆكێ ركایا لگوندەوارێ ئدلبێ .

چالاكڤانێن دناڤا ئدلبێ دە ئەشكەرە كرن كو ئیرۆ دانێ سبەهێ چەكدارێن ریژیمێ ب هەژمارەك تۆپ باژارۆكێ ركایا ئارمانج كر د ئەنجامێ دە زیانێن مادی گهشت مال و ملكێن وەلاتیێن وێ دەڤەرێ .

هەمان ژێدەرێ دا خویاكرن كو دەرەنگیا شەڤا بوری ژی هێزێن ریژیمێ ب مووشەك ئاڤیژان باژارۆكێ معرە حرمە و بداما و كفرنبل لباشورێ گوندەواری ئدلبێ بومبەباران كرن .

ژ ئالیێ خوەڤە تیما بەرەڤانیا سڤیلا سوری راگهاند كوژبەر ئێریشێن ریژیما ئەسەد و روسیا لسەر باژرۆكێ التح و كفرنبل دۆه هەژمارەك وەلاتیێن سڤیل هاتن كوشتن لگەل بریندداربوونا هەژمارەك كەسێن دن .

هەمان تێمێ دا زانین كو تەڤی راگهاندنا ئاگربەستەك یەك ئالی ژ ئالیێ رێژیم و روسیی ڤە ، لێ چەكدارێن ریژیمێ هەژمارەیك باژارۆك بتایبەتی باژارۆكێ التح ، جرجناز ، الدێر الشرقی ، بابۆلین ، كفرنبل ، حاس ، ركایا سجنە ، حیش و كفرسجنە لگوندەوارێ ئدلبێ ب زێدەتری سەد و دوو مووشەكان بومبەبارانكرن ، د ئەنجامێ دە زیانین مادی و جانی روو دان .

ژ ئالیێ خوە ڤە تۆرا سوریێ یا مافێ مرۆڤان ب بەلگە راگهاند كو د مەها تەباخا بووری دە ژبەر گووبوونا ئێریشێن رێژیما ئەسەد و روسیی لسەر باژارێ ئدلبێ 267 سڤیل دناڤ واندە 72 زارۆك و21 ژن ژی هەبوون هاتنە كوشتن سەرباری ژیانژدەستدانا بێهتری ژ بیست وپینج كەسێن دن دبن كەشكەنجەیێ دە لسەر دەستێ رێژیمێ .

هەروەها تۆرا ناڤهاتی د هەمان راپۆرتا خوە دە ئەشكەرە كر كو لسەر دەستێ روسیێ ژی 60 سڤیل دناڤ واندە 15 زارۆك و 7 ژن هەبوون جانێ خوە ژ دەست دانە .

268