رێخستنا تەندرووستیا ناڤدەولتی ئارمانجكرنا ناڤەندێن تەندروستی ل ئدلبێ شەرمەزار دكە
ارك نیوز .. رێخستنا تەندروسیتیا ناڤەولتی ئارمانجكرنا ناڤەندێن تەندروستی ل باژارێ ئدلبێ ژ ئالیێ ریژیما ئەسەد و روسیا ڤە شەرمەزار كر .
د راپۆرتەكێ دە رێخستنا تەندروستیا ناڤەلتی ئەشكەرە كر وگۆت كو د هەیاما ناڤبەرا بیست و هەیشت تا سیێ تەباخا بووری رێژیما ئەسەد و روسیا حەفت ئاڤاهیێن تەندروستی ل ئدلبێ ژ وان چار نەخوەشخانە و دوو ناڤەندێن تەندروستی بوون و ناڤەندەك هاتە ڤالاكرن بەریا ئارمانجكرمنا وێ .
ژ ئالیێ خوەڤە تیما هەڤرێزكارێن بەرسڤدانێ د داویا مەها تەباخێ دە د راپۆرتەكە خوە دە ب بەلگە راگهاند كو نەخوەشخانەیا میسر الحمدۆ لباژارۆكێ الغدقە لباشورێ گوندەوارێ ئدلبێ ژ ئالیێ بالافرێن شەر یێن رێژیمێ ڤە هاتە ئارمانجكرن د ئەنجامێ دە ئەو ژیانێن مادی گهشت نەخوەشخانەیێ سەرباری برینداربوونا هەژمارك كارمەندێن وێ نەخوەشخانەیێ .
هەروەها تیما بەرەڤانیا سڤیلا سوری ژی د داویا تەباخا بووری د راپۆرتەكە خوە دە ژ كاركەتنا نەخوەشخانەیەكێ لرۆژئاڤایێ گوندەوارێ ئدلبێ ژ ئالیێ بالافرێن شەر یێن روسی ڤە راگهاندبوو .
هەمان تیمێ دا خویاكرن ژی كو نەخوەشخانەیەك ل ئۆرم الكبرا ل رۆژئاڤایێ حەلەبێ ب هەژمارەك ئۆپەراسیۆنێن ئەسمانی كو هەژمارەك زارۆكێن شیر مژ تێدە هەبوون هاتە ئارمانجكرن د ئەنجامێ دە هەژمارەك سڤیل برینداربوون .
رێخستنا تەندروستیا ناڤدەولتی د هەمان راپۆرتا خوەدە گۆت كو ئارمانجكرنا ناڤەندێن تەندروسی ژ ئالیێ ریژیم وروسیێ ڤە تێن هەڤدەمی بلندبوونا ئاستێ شەر و تووندوتوژیێ ل باژارێ ئدلب و گوندەوارێ وی , و ئاماژە كر كو بێهتری سێزدە مەلیۆن و حەفسەد هەزار وەلاتیین سوری پێویستیا وان ب ئالیكاریان هەیە بتایبەتی د وارێ تەندروستی ڤە .
هەر دڤێ دەربارێ دە پرانیا ئەندامێن ئەنجومەنا ئەولەهیا ناڤدەولتی داخواز ژ ئەنتۆنیۆ گۆتێریس ئەمینداری گشتی یێ نەتەوێن یەكگرتی كربوو كو ڤەكولینەك دەربارێ ئارمانجكرنا رێژیما ئەسەد و روسیا ژ ئاڤاهیێن تەندروستی رە ل ئدلبێ ڤەكە .
230