د یەكەم رۆژێن ئاگربەستێ دە ل ئدلبی 28 سڤیل هاتن كوشتن
ارك نیوز .. پشتی راگهاندنا ئاگربەستەكە یەك ئالی ل ئدلبێ ژ ئالیێ رێژیما ئەسەد ڤە ، هەژمارەك وەلاتیێن سڤیل د یەكەم رۆژێن ئاگربەستا راوەستاندنا شەر ل ئدلبێ هاتن كوشتن .
د داخویانیەكێ دە تیما بەرەڤانیا سڤیل ئەشكەرە كر كو د ئەنجاما ئێریشێن رێژیما ئەسەد و هەڤپەیمانیا ناڤدەولتی یا لدژی داعشێ لسەر باژارێ ئدلبێ و گوندەوارێن وێ بیست و هەیشت وەلاتیێن سڤیل د یەكەم رۆژێن ئاگربەستێ دە هاتن كوشتن .
هەمان تێمێ ل رووپەلا خوە یا فەرمی دا خویاكرن كو ئیرۆ دەما كو بالافرێن شەر یێن هەڤپەیمانیا ناڤدەولتی یا لدژی داعشێ هەژمارەك ئاڤاهی لنێزیكی زەڤییێن باژارۆكێ برووما لگوندەوارێ ئدلبێ كرە ئارمانج بیست و حەفت سڤیل جانێ خوە ژ دەست دان .
وسەربار كر كو وەلاتیەك دنژی ژ بەر ئێریشێن ریژیما ئەسەد ل باژێ كفرنبل لباشورێ ئدلبێ هاتە كوشتن .
تەڤی راگهاندنا ئاگربەستەكە یەك ئالی ژ ئالیێ ریژیما و روسیی ڤە لێ رێژیما ئەسەد ئەو ئاگربەست بنپێكر و هەژمارەك باژار و گوند ل ئدلبێ كرە ئارمانج .
هەر لگۆری تیما ناڤهاتی دایە زانین كو لباشورو رۆژهەلات و باكورێ گوندەوارێ ئدلبێ پازدە خال راستی ئێریشێن ریژیما ئەسەد هات ئانگۆ سیه باژارۆك ل ئدلبێ ب زێدەتری نۆت و چار تۆپ و مووشەكان هاتن ئارمانجكرن ، سەرباری بومبەبارانكرنا باژارۆكێ كفریا كو د ئەنجاما وێ ئێریشێ دە زیانێن مادی مەزن هاتن رووان .
ژ ئالیێ خوەڤە ژی وەزارەتا بەرەڤانیا ئەمەریكا بنتاگۆن تەكەزی لسەر ئارمانجكرنا هەڤپەیمانیا ناڤدەولتی یا لدژی داعشێ ژباراگەهەكە بسەر رێخستنا القاعدە لباكورێ ئدلبی كر و گۆت كو د ئەنجاما وێ ئێریشێ دە بێهتری چل چەكدارێن تەرۆریستی كو دناڤ واندە سەركر ژی هەبوون هاتن كوشتن .
330
