عه‌فرين .. 9 كه‌س ژ مالباته‌كێ د چه‌مێ ره‌ش ده بنئاڤ بوون
آرك نيوز .. مالباته‌كه عه‌رب ده‌ما كو ده‌خوه‌ستن ژ عه‌فرینا رۆژئاڤاێ كوردستانێ ده‌ركه‌ڤن وبه‌رێ خوه بدن توركیێ ل چه‌مێ ناڤپه‌را عه‌فرین وتوركیێ ده بنئاڤ بوون .
ل گۆر ئاگاهیێن ئاركێ كو مالباته‌ك عه‌رب ژ نه‌ه كه‌سان پێكدهات ده‌ما كو دخوه‌ستن ب قاچاغی وب رییه‌كگ نه ره‌وا ژ عه‌فرینێ به‌رێ خوه بدن توركیێ ل چه‌مێ ره‌ش شه‌ڤا چارشه‌مێ بیست وچار مه‌ها حه‌فتان سالا دوو هه‌زار وهه‌ژده‌هان ده بنئاڤ بوون ود ئه‌نجامدا هه‌ر نه‌ه ژیانا خوه ژ ده‌ست دان .
ئه‌و مالباتا عه‌رب د ده‌ما داویێ ئانگۆ پشتی شه‌رێ عه‌فرینێ ده‌ربده‌ری عه‌فرینێ ببوون و ژ به‌ر ره‌وشا نه ئارامیێ ل عه‌فرینێ هه‌ولدان ژ عه‌فرینێ ده‌ركه‌ڤن لێ ژ به‌ر كو ب ده‌موغرافیا عه‌فرینێ نزانیبوون وب تایبه‌ت چه‌مێ ره‌ش یێ ل ناڤچه‌یا راچۆ وكووربوونا وێ چه‌مێ بوونه قوربانیی وژیانا خوه ژ ده‌ست دان. وتا نها نه هاتیه ناسكرن كو ئه‌و مالبات ژ كیژان باژاری نه وژ مالباتا كێ نه .
هه‌مان بوویه‌ر د رۆژا یه‌كشه‌مێ 3/6/ 2018 چێببوو و13 كه‌س ژ خه‌لكێ عه‌فرینێ ده‌ما هه‌ولددان ژ توركیێ په‌نابه‌ری ئۆرۆپاێ بنن به‌له‌ما وان بنئاڤ بوو و13 كه‌س ژیانا خوه ژ ده‌ست دان وب ته‌نێ چه‌ند كه‌س رزگاربوون كو ئه‌ومالبات ژی ژ به‌ر شه‌ر وپه‌ڤچوونان ژ عه‌فرینێ ره‌ڤییابوون .
ژبه‌ر ره‌وشا ئه‌وله‌هیا عه‌فرینێ وتونه‌بوونا كار وبنپێكرنێن كو ژ ئالیێ گرووپێن چه‌كدار یێن ده‌رحه‌قێ وه‌لاتییێن عه‌فرینێ ده تێنه ئه‌نجامدان هژماره‌ك ژ مالباتێن كورد یێن ره‌سه‌ن وعه‌ربێن ده‌ربده‌ر هه‌ولددن ژ عه‌فرینێ ده‌ركه‌ڤن وبه‌رێ خوه بدن وه‌لاتیێن دن .
520
