ئەنەس عەبدە : ئاڤاكرنا ناڤچەیا ئارام وێ د 3 قۆناغان رە دەرباس ببە
آرك نيوز...سەرۆكێ هەڤپەیمانیا نشتیمانی یا ئۆپۆزسیۆنا سووریێ دبێژە كو هەڤپەیمانیێ ل گەل ئەمریكا وتوركیا پلانێن تایبەت ب ئاڤاكرنا ناڤچەیا ئارام گۆتووبێژكرنە .
أنس العبدە سەرۆكێ هەڤپەیمانیا نشتیمانی یا ئۆپۆزسیۆنا سووریێ ژ ئاژانسا ئەنادۆل یا توركی رە راگەهاند كو ئەمریكا وتوركیا دەربارێ ئاڤاكرنا ناڤچەیا ئارام گەهشتنە رێكەفتنەكە دەستپێكی , وهینا چەند خالەك گرینگ دەربارێ كووربوون , وهەبوونا ئالیێن لەشكەری د ناڤچەیا ئارام دە مانە وگۆتووبێژی ناڤبەرا توركیا وئەمریكا دە بەردەوامن .
هەروەها العبدە راگەهاند كو وەكە ئاماژە ددنە خویاكرن ئاڤاكرنا ناڤچەیا ئارام وێ د سێ قۆناغان دە دەرباس ببە , قۆناغا یەكێ ژ سەرێ كانیێ هەتا گریێ سپی یە , وب درێژاییا ( 70 ) كیلۆ متر , كووریا ( 5-14 ) كیلۆ متران بە .
سەرۆكێ هەڤپەیمانیا نشتیمانیا ئۆپۆزسیۆنا سورویێ گۆتژی كو قۆناغا دوێ ژ ئاڤاكرنا ناڤچەیا ئارام وێ هەتا سنوورێن عێراقێ لخوە بگرە , وقۆناغا سیێ ب ئالیێ رۆژئاڤا دە بە هەتا رووبارێ دجلێ ل خوە بگرە .
عەبدە تەكەز كر كو ئەو وەكە هەڤپەیمانی پشتەڤانیا ئاڤاكرنا ناڤچەیا ئارام ل رۆژهلاتێ چەمێ فەراتێ دكن , ژ بەر هەر دەڤەركە ئارام ل سووریێ وەرە ئاڤاكرن د بەرژەوەندیا گەلێ سووریێ دەیە , وئەو ناڤچەیا ئارام وێ دەرگەه ل پێشیا پەنابەرێن سووری ڤەكە داكو ڤەگەرنە سەر زێدێن خوە .
643
