ههولێن دیپلۆماسی یێن ئهنكهسه ژبۆ دۆزا كورد ل سووریێ
ل سووریێ و رۆژئاڤایێ كوردستانێ شهر ب گشتی بداوی بوویه، بهحسا قوناغێن چارهسهریێ و كۆمیتهیا دهرستووری یا سووریێ و ناڤچهیا ئارام ب بهرفرههی تێ كرن، ئهنجومهنا نشتیمانی یا كورد ل سووریێ د ههڤدیتن و ههولێن خوه یێن دیپلۆماسی ده بهردهوامه...
ژبۆ رهوشا سیاسی یا گشتی یا كوردان ل سووریێ، ئهنجومهنا نشتیمانی یا كورد ل سووریێ تا نها تهك ئالیه ب فهرمی دناڤا دانووستاندن و جڤینێن ناڤدهوهلتی و دانوستاندنێن ناڤبهرا ئۆپۆزسیۆن و رێژیما سووریێ ده بهشداره, ههم وهكه ئهنجوومهن و ههم ژی وهكه نوونهرێ كوردان، ل سهر ئاستا دیپلۆماسی ژی ئهنجوومهن كار و ههڤدیتنێن خوه ژبۆ بجیكرنا مافێ گهلێ كورد ل سووریێ بهرفرهه و بهردهوام دكه.
رۆژا پازدههێ ڤێ مههێ شاندهك ژ كۆمیتهیا پهیوهندیێن دهرڤه یا ئهنجوومهنێ ب سهرۆكاتیا كامیران حاجۆ و ئهندامتیا ئبراهیم برۆ و ئسماعیل حهساف ب شاندهیێ تایبهت یێ سهرۆكێ رۆسیێ ژبۆ رۆژهلاتا ناڤین، جیگرێ وهزیرێ دهرڤه یێ رۆسییێ, میخائێل بۆگدانۆف ره ل مۆسكۆیێ جڤیا.
رۆژا بیست و دویێ ڤێ مههێ ژی شاندا كۆمیتهیا دهرڤه ب جۆیل رایبۆرن جیگرێ شاندهیێ تایبهت ژبۆ سووریێ، جیگرێ ئالیكارێ دهرڤه یێ وهزیرێ دهرڤه یێ ئهمهریكایێ ره ل واشنتونێ جڤیا.
د وان جڤینان ده، تهكهزی ل سهر رۆلا ئهنهكهسه و گرنگیا ههبوونا وێ لناڤچهیا ئارام و رۆژهلاتێ فراتێ وهكه هێزهكه سیاسی خوهدی جه و رۆل دناڤا پرۆسهیا سیاسی و دانوستاندنان ده تێ كرن, ههروهها دیتن و ههلوستا ئهنهكهسه دهرباریً پێشهاتهیێن سووریێ و ناڤچهیا ئارام و ههولێن نێزیكبوونێ ب پهیهده ره سهربارێ ڤهگهرا پێشمهرگهیێن رۆژ تێنه شرۆڤهكرن و ڤهگوههستن.
نوونهرێ ئهنجوومهنێ دناڤا ههڤپهیمانیا نشتیمانی یا ئۆپۆزسیۆنا سووریێ ده، جیگرێ سیهرۆكێ ههڤپهیمانێ، دكتۆر عهبدولحهكیم بهشار ل گهل نوونهرێن ئهنجوومهنێ د ههڤپهیمانیێ ده ژی ههڤدیتن و كۆمبوون و جڤینێن خوه د وێ چارچۆڤهیێ ده ب بهرفرههی ئهنجام ددن، ههری داویێ ژی جڤینا ب وهزیرێ دهرڤه یێ توركیێ مهولوود چاووش ئۆگلۆ بهریا چهند رۆژان.
ل هندرێ وهلێت ژی، تهڤی كو ههمو ئۆفیسێن ئهنجوومهنێ ژ ئالیێ پهیهده ڤه گرتی نه و كارێ وێ ژ ئالیێ پهیهده ڤه ب فهرمی قهدهغهكری یه و راستی ئاستهنگیان تێ، ههموو شاندهیێن ناڤدهوهلتی یێن كو سهرهدانا رۆژئاڤایێ كوردستانێ دكن، تهكهزیێ لسهر گرنگیا ههڤدیتنێن خوه ب ئهنجوومهنێ ره وهكه هێزهكه سیاسی خوهدی جهماوهر، و خوهدی نوونهر د جڤینێن ناڤدهوهلتی ده دكن، ههری داویێ ژی ههڤدیتنا شاندهكه بریتانی ب ئهنجوومهنێ ره ل قامشلۆ.
ئهمینداریا گشتی یا ئهنجومهنا نشتیمانی یا كوردی ل سووریێ د جڤینا خوه یا ڤێ داویێ ده ژی تهكهزی ل سهر گرنگیا وان ههولێن دیپلۆماسی و بهردهوامی و بهرفرههكرنا وان ههولان كر.
دناڤا قهدهغهكرن و ئاستهنگرنا كارێ ئهنجوومهنێ ژ ئالیێ پهیهده ڤه، و ههڤدیتن و ههولێن ئهنجوومهنێ یێن دیپلۆماسی، و ههبوون و رۆلا ئهنجوومهنێ دناڤا ئۆپۆزسیۆن و دهستهیا دانووستانكار یا سووریێ ده، جاڤێ وهلاتیێن رۆژئاڤایێ كوردستانێ ل چارهنڤیسهكه زهلال ب وهرگرتنا مافێ خوه یێ رهوایی ل سووریێ و پێچاندنا رووپهلێن پشتگوهكرن و تنهكرنا رۆلا كوردان وهكه ملهتهكی لسهر خاكا خوه ل سووریێ نه.
346