ئه‌گه‌ر هه‌یه 200 هه‌زار ژ په‌نابه‌رێن سووریێ ڤه‌گه‌رن وارێن خوه
حكوومه‌تا رووسیێ راگهاند كو ئه‌گه‌ر هه‌یه هژماره‌ك مه‌زن ژ په‌نابه‌رێن سووریێ یێن ژ به‌ر شه‌ر وپه‌ڤچوونان ره‌ڤییانه جاره‌ك دن ڤه‌گه‌رن وار وجهێن خوه .
سه‌رۆكێ ناڤه‌ندا نشتیمانی یا رێڤه‌به‌ریا به‌ره‌ڤانیێ ل رووسیێ میخائیل میزینتسیف رۆژا سێشه‌مێ 24/7/2018 دا زانین كو لڤ وته‌ڤگه‌ره‌كه جیهانی وب تایبه‌ت وه‌لاتێن یه‌كیتیا ئۆرۆپی هه‌یه ژ بۆ ڤه‌گه‌راندنا په‌نابه‌رێن سووریێ.
ئه‌و داخویانی هات پشتی كو وه‌زاره‌تا به‌ره‌ڤانییا رووسیێ حه‌فته‌یا بووری راگهاندبوو كو كار ژبۆ ئاڤاكرنا ناڤه‌ندێن ڤه‌حه‌وه‌ندن ودابه‌شكرن وبه‌لاڤكرنا په‌نابه‌رێن كو دخوازن ڤه‌گه‌رن سووریێ ب ئالیكاریێ حكومه‌تا رێژیما سووریێ ره تێنه ڤه‌كرن .
ده‌ربارێ وان ناڤه‌ندان سه‌رۆكێ ناڤه‌ندا نشتیمانی یا رێڤه‌به‌ریا به‌ره‌ڤانیێ ل رووسیێ میخائیل میزینتسیف گۆت كو ئه‌گه‌ر هه‌یه 200 هه‌زار په‌نابه‌رێن سووریێ ڤه‌گه‌رن مالێن خوه وسه‌ربار كر سێ ده‌رگه‌ه ژ كه‌سێن دخوازن ڤه‌گه‌رن هاتنه ڤه‌كرن و د 27مه‌ها هه‌فتان ده ب شێوایه‌كێ ڤه‌رمی وێ تێكه‌ڤن وارێ كار ده .
میخائیل هه‌روه‌ها دا دیار كرن كو یه‌ك ژ ده‌رگه‌هان یا ئه‌بوو دهوور ل ده‌ردۆرا پارێزگه‌ها ئیدلبێ یه.
دوویه‌م ده‌رگه‌ها سالحیێ ل ده‌دۆرا دێرازۆرێ یا رۆژهلاته كو ئه‌و ده‌گه‌هه‌ك ئاڤێ یه .
سییه‌م ده‌رگه‌هه‌ك ل باژارێ ته‌دمورێ یێ ل بیابانا سووریێ یه .
ل گور میدیاێن جیهانی كو ئه‌و لڤ وته‌ڤگه‌را رووسیێ ژبۆ ڤه‌گه‌راندنا په‌نابه‌رێن سووریێ پشتی جڤینا هلسنكی یاكو د ناڤبه‌را هه‌ردوو سه‌رۆكێن ئه‌مریكا ترامب وسه‌رۆكێورووسیێ پۆتین ده هاتبوو لدارخستن كه‌ته وارێ جیبجیكرنێ ده .
ژ ئالیێ خوه ڤه وه‌زیرێ ده‌رڤه یێ ئه‌مركا د لێدوانكه تایبه‌ت بۆ كه‌نالا سكای نیوز د 10 مه‌هێ ده گۆتبوو كو هه‌ولێن ئه‌مریكا دریا دانوستاندانێن جیهانی هه‌نه ژبۆ 6 ملیۆن سووری ڤه‌گه‌رن مالێن خوه ود دووبارا ئاڤاكرنا سووریێ ده به‌شدار ببن .
701
