شاندەكه كۆمیته‌يا په‌یوه‌ندیێن دەرڤە یا ئە‌نجومه‌نا نیشتماني یا كوردی ل سووریێ بـ میخائێل بۆگدانۆف رە جڤیا
شاندەكه كۆمیته‌يا په‌یوه‌ندیێن دەرڤە یا ئە‌نجومه‌نا نیشتماني یا كوردی ل سووریێ دوه ب شانده‌يێ تايبه‌ت يێ سه‌رۆكێ رۆسيێ ژبۆ رۆژهلاتا ناڤين، جیگرێ وەزیرێ دەرڤە یێ رۆسیێ ميخائل بۆگدانۆف ره جڤيا.
شاندا ئه‌نه‌كه‌سێ ب سه‌رۆكاتیا كامیران حاجو سه‌رۆكێ نڤیسگه‌ها په‌یوه‌ندیێن ده‌رڤه و ئه‌ندامێن نڤیسگه‌هێ ابراهیم برو و اسماعیل حصاف پێك تێ.
كۆميته‌يا په‌يوه‌ديێن ده‌رڤه يا ئه‌نه‌كه‌سه داخویانیەك دەربارێ وێ سەرەدانێ بەلاڤ كریە و دبێژە كو د وێ د جڤينێ ده شاندا ئەنەكەسە بەحسا رۆلا ئەرێنی یا رۆسیێ دەربارێ مافێ كوردان و بتایەبتی لێدوانا ڤێ داویێ یا وەزیرێ دەرڤە یێ رۆسیێ كو پشتەڤانیا خوە ژ مافێ كوردان ل سووریێ نیشان دا كر، نەخاسم كو د داخویانیا ئاستانا دە بەرۆڤاژیێ وێ یەكێ هاتبوو، ژبەر وێ یەكێ پێویستی زەلالكرنەكێ بوو.
شاندا ئەنەكەسە هەروەها بەحسا دەستپێشخەریا فرەنسی و رێكەفتنا ئەمریكی توركی ژبۆ ناڤچەیا ئارام كر هەروەها شاندا ئەنەكەسە داخوازا هەبوونا پەیوەندینە رۆسی ب سەركردایەتیا ئەنجومەنا نشتیمانی یا لهندرێ وەلێت رە كر، هەروەها داخوازا پشتەڤانیا رۆسیا ژبۆ نوونەرێن كورد و مافێ كوردان د كۆمیتەیا دەستووری دە هات كرن، سەرباری بەحسا رەوشا خراب یا سڤیلان ژبەر شەرێ ل ئدلبێ هات كرن.
ل گۆری داخویانیا ئۆفیسا پەیوەندیێن دەرڤە یا ئەنەكەسە كو بۆگدانۆف تەكەزی لسەر هەلوەستا رۆسیا ب پشتەڤانیا مافێ گەلێ كورد ل سووریێ كر و گۆت ئەو هەلوەست نەهاتیە گوهەرتن.
بۆگدانۆف هەروەها دەربارێ ناڤچەیا ئارام گۆت كو وەلاتێ وی نەبەشك ژ وێ رێكەفتنێ یە لێ ئەو تەكەزیێ لسەر سەروەری و یەكیتیا خاكا سووریێ دكن.
دەربارێ كۆمیتەیا دەستووری ژی بۆگدانۆف ئەشكەرەكر كو رۆژا دۆزدەهێ مەها بێ بریارە گەهشتنەكە داوی بۆ لهەڤكرنێ ژبۆ كۆمیتەیا دەستووری وەرە ئەنجامدان، و گۆت ژی كو دەرەنگخستنا ئاڤاكرنا كۆمیتەیا دەستووری نە ژ ئالیێ رۆسیێ یان هەڤپەیمانێن وێ بوو.
255
