عهفرین .. ئاگرهك ب هێز ب چیاێ هاوارێ كهت
آرك نيوز .. ئاگرهك ژ ئالیێ كهسێن نهناس ڤه ل زنجیرا چیاێ هاوار یا عهفرینێ هاته ڤێخستن و زیانهك مهزن گهشت دارین چیاێ ودارێن نێزیكی چیاێن گوندێن ناڤچهیا راجۆ.
ل گۆر زانیارێن ب دهستێ ئاركێ كهتنه كو رۆژا دوشهمێ 23/7/2018 ئاگرهك ب چیاێ هاوارێ وب تایبهت ل گوندێ چیا یێ ناڤچهیا راجۆ كهت وژ گوربوونا ئاگر ئهو ئاگر گهشت جهێن دن وژبهر كو ریێن وێ دهڤهرێ ئاسێ وبلند وزهحمهتن تێمین بهرپرس نهكاریبوون خوه بگهینن وان دهڤهران داكو ئاگر ڤهمرینن.
ل ناڤچهیا شیێ ژی چیاێ ناڤبهرا گوندێ ئهرهندێ وترمیشۆ د ههمان رۆژا 23/7/2018 ئاگر بدارێن چیا كهت كو ژ ئالیێ تیمێن بهرهڤانییا سڤیلان وخهلكێ گوند هاته ڤهمراندن.
رۆژا شهمیێ 21/7/2018 دراستانا گوندێ ئومهرا هاته شهوتاندن وتهڤی ئۆتۆمبیلێن ئاگرڤهمراندنێ یێن ئهنجومهنا خوهجهی یا شهرا خوه گهاندن جهێ شهواتێ لێ نكاریبوون وی ئاگری ڤهمرینن ژ بهر كو ئاگر بهشهك مهزن ل خوه گرتبوو.
لگوندێ مهرساوا ئاگر بزهڤییهك دارێن زهیتوونان كهت كو 1200 دار تێده نه وبهریا كو ئهو ئاگر وهره ڤهمراندن بهشهك ژ دارێن زهیتوونان راستی زیانێ هاتبوون.
ل گۆر وهلاتیێن عهفرینێ كو گرووپێن چهكدار ب كارێ شهوتاندنا دار وزهڤی ودارستان وچیاێن عهفرینێ رادبن و زێدهرێن تایبهت راگهاندنه وتهكهز كرنه كو ئارمانج ومهبسهت ژێ گهلهكن وهك ڤهگوههستنا وان جهان بۆ سهیرانگهه وخوارنگههان ب تایبهت گوندێ مهیدانكێ وگهمرووكێ ههروهها سوود ژ دار وئێزنگان د وهرزێ زفستانێ ده ببینن ویا ههری گرینك كو ب شهوتاندنا چیای ودارستان رادبن داكو ژ ئهندامێن پهیهدێ یێن برپرسان ل چیای عهفرینێ ده ل شوون خوه هشتن وبهرڤ حهلهبێ رهڤیانه خهلاسبن وههردهم بانگا وهلاتیێن عهفرینێ ئهو كو سینۆرهك ژ وان كریاران ره وهره دایین و ژینگهه ودارستانێن عهفرینێ وهرن پارستن.
727
