توركیێ دەست ب ئاڤاكرنا ناڤەندا ئۆپەراسیۆنێن هەڤبەش دەربارێ ناڤچەیا ئارام دكە
ارك نیوز .. وەلاتێ توركیێ دەسپێكرنا ئاڤاكرنا ژێرخانەیا ناڤەندا ئۆپەراسیۆنێن هەڤبەش دەربارێ ناڤچەیا ئارام یاكو توركیێ و ئەمەریكا لسەر لهەڤكرنە رادگهینە .
وەزارەتا بەرەڤانیا توركیێ د داخویانیەكێ دە راگهاند كو نها كار و ئامادەكاری دناڤبەرا ئەمەریكا و توركیێ تێنە كرن و ئەو ئامادەكاری بەردەوامن داكو د زوترین دەم دە ناڤەندا ئۆپەراسیۆنێن هەڤبەش یاكو هەردوو ئالی لسەر رێكەفتنە دەربارێ ناڤچەیا ئارام دەست ب كارێ خوە بكە .
هەمان وەزارەتی دا خویاكرن ژی كو بەرپرسێن توركی لگەل شاندا ئەمەریكی رە لسەر دەسپێكرنا ئاڤاكرنا ژێرخانەیا ناڤەندا ئۆپەراسیۆنێن هەڤبەش رێكەفتنە .
هەمان داخویانیێ ئاماژە ب بەردەوامیا كار و ئامادەكاریان ژبۆ دامەزراندن و ئەكتیڤكرنا ناڤەندا ئۆپەراسیۆنێن هەڤبەش دەربارێ ناڤچەیا ئارام یاكو بریارە ل رۆژهەلاتێ چەمێ فەراتێ وەرە ئاڤاكرن د زوترین دەم دە كر .
226
