چهكدارێن پهیهدێ دوو ئهندامێن پهدهكهسێ ژ باژارێ سهرێ كانیێ رهڤاندن
آرك نيوز .. چهكدارێن پارتیا دهمۆقراتا پهیهدێ دوو ئهندامێن پارتیا دهمۆقراتا كوردستان سووریا رهڤاندن وبهرڤ جههكی نه دیار برن.
ل گۆر زانیارێن ئاركێ كو رۆژا دوشهمێ 23/7/2018 دانێ نێڤرۆ چهكدارێن ئاسایشێ كو نها بوونه چهكدارێن ئهولكاریا ناڤخۆی یێن سهر ب پهیهدێ ڤه ههردوو ئهندامێن كۆمیتا ههرێمی یێن پارتیا دهمۆقراتا كوردستان سووریا عهبدول حهمید خهلیل و عهبدول مهجید مووسه رهڤاندن وبهرڤ جههك نه دیار برن.
مالپهرا فهرمی یا پارتیا دهمۆقراتا كوردستان سووریا راگهاند كو چهكدارێن پهیهدێ بهریا كو ب رهڤاندنا ههردوو ئهندامێن ناڤبووری رابن ب دوو رۆژان ئیریشی مال وان ل باژارێ سهرێ كانیێ یێ رۆژئاڤای كوردستانێ كربوون ئهو ژی ب مهبستا گرتن وبنچاڤ كرنێ لێ ژ بهر كو نه ل مالێن خوه بوون جارهك دن د رۆژا دوشهمێ ده ئێریش برن وئهو گرتن.
عهبدول حهمید خهلیل و عهبدول مهجید مووسه ئهندامێن كۆمیتا ههریمێ یێن پارتیا دهمۆقراتا كوردستان سوریا ل باژارێ سهرێ كانیێ یه نه .
د 9/7/2018 ههمان چهكداران ئهندامێ كۆمیتا ههریمێ یا پهدهكهسێ و ئهندامێ یهكیتیا خوهندهڤان وجوانێن دومۆقراتی كوردستانی – رۆژئاڤا ئهندزیار دههام محهمهد عوسمان ژ گوندێ كلهێ یێ دێركێ بنچاڤ كربوو و رۆژا شهمیێ 21/7/2018 سهربست بهردا.
بدههان ژ سهركرده وئهندامێن ئهنجومهنا نشتیمانی یا كورد ل سووریێ و پارتیا دهمۆقراتا كوردستان سووریا وچالگڤانان د زیندانێن پهیهدێ ده نه بێ كو دانپێدانهك ژ رێڤهبهریا پهیهدێ یا خوهسهر پێ وهره كرن و تا نها بهشهك ژ گرتییان تو زانیاری وئاگاهی ل سهر وان تونهنه.
632
