نيشانێن ڤه‌كشانا په‌يه‌ده ژ قامشلۆ به‌رچاڤ دبن
هه‌ڤده‌مێ كو دانوستاندن د ناڤبه‌را ئه‌مه‌ريكا وتوركيا ده ده‌ربارێ ناڤچه‌يا ئارام تينه كرن وداخويانيێن سه‌كرده‌يێ پارتيا ده‌موكراتيك په‌يه‌ده ژبۆ په‌ژراندنا وان ل سه‌ر كووراهيا پێنج كيلۆمه‌تران, وڤه‌كشانا جه‌كێن كران, په‌يه‌ده ئێدى هێدى هێدى ژ باژارێ قامشلۆ يێ رۆژئاڤايێ كوردستانێ ڤه‌دكشه.
ژێده‌ركه ئاگهدار ژ ئاركێ ره ئه‌شكه‌ره كر, كو په‌يه‌ده هن ب هن ژ باژارێ قامشلۆ وندا دبه ويه‌كه‌م گاڤێن وێ داخستنا ئال ووينه‌يێن ب سه‌رڤه نه, وبريارا راوه‌ستاندنا دانا تابلۆيێن ئۆتۆمبيلان يێن تايبه‌ت ب رێڤه‌بريا وێ ولێڤه‌گه‌رين ل تابلۆێێن رژێما سووريێ, ته‌ڤى وندابوونا ديارده‌يێن چه‌كان وده‌وريێن وێ ژ ناڤا قامشلۆ ب ئاوايه‌كى به‌رچاڤ, وراوه‌ستاندنا هه‌لمه‌تێن گرتنا جوانان ل ناڤا باژار ژبۆ له‌شكه‌ريا وێ يا نه‌چار.
هه‌روه‌ها ژێده‌رێ ئه‌شكه‌ره كر, كو په‌يه‌ده وێ د رۆژێن بێن ده دام وده‌زگهێن خوه بگره وڤه‌كشينه ده‌رڤى باژير.
به‌ريا دو رۆژان ژى ئه‌لهام ئه‌حمه‌د سه‌كرده د ئه‌نجومه‌نا سووريايا ده‌موكراتيك (مه‌سه‌ده) ده راگهاند كو وان ل سه‌ر كووراهيا پێنج كيلۆمتران ئا ناڤچه‌يا ئارام, وڤه‌كشانا چه‌كێن گران ئه‌رێ كريه ژبۆ ژ ته‌ڤايا جيهانێ ره ديار بكن كو تو مه‌ترسيا وان ل سه‌ر توركيا نينه.
247
