پ ی د و گرووپێن چەكدار ل عەفرینێ مەلایێن كورد ژ كار دووردخن

هەر یەك ژ گرووپێن چەكدار ل عەفرینێ و پارتیا یەكیتیا دیموقراتیك پ ی د ل ناڤچەیێن كو كۆنترۆل دكە مەلایێن كورد ژ كار دوور دخن، ئەو یەك ژی ب تۆمەتنە جۆر ب جۆر مینا نەبەشداریێ د ئاهەنگ و بۆنەیان دە، و ل شوونا وان مەلەنە دن ل گۆری خوە دادمەزرینە.

رێخستنا مافێن مرۆڤان ل عەفرینێ رۆژا 3یێ ڤێ مەهێ راگهاند كو گرووپێن چەكدار ل عەفرینێ هەژمارەك مەلایێن كورد ل هەر یەك ژ جندرێس، گوندێ بافلۆر، گوندێ كۆرا، گوندێ كەفر سەفرا، گوندێ جەلەمە، گوندێ حاجیلار، گوندێ رەفعەتیە، بلبلێ و مەیدانكێ ژكارێ وان دوورخستنە و ل شوونا وان مەلەنە دن لگۆری خوە و نێزیكی خوە دامەزراندنە.

هەڤدەمێ وێ كریارا گرووپێن چەكدار ل عەفرینێ، رۆژا 6ێ ڤێ مەهێ كۆنگرێ جڤاكا ئسلامی یا بسەر پ ی د ڤە ژی هەژمارەك مەلەیێن كورد ل باژار و باژارۆكێن رۆژئاڤایێ كوردستانێ ژ كار دوورخستن، ئەو یەك ژی ئەڤن:
مەلا عەگید- گۆتارخوێنێ مزگەفتا ئبراهیم ئەلخەلیل
یاسر ئبراهیم- گۆتارخوێنێ مزگەفتا ئەبی زەر ئەلغەفاری
ئبراهیم مەلا محەمەد-گۆتارخوێنێ مزگەفتا سەلمان ئەلفارسی
مەلا محەمەد خێر- گۆتارخوێنێ مزگەفتا قاسمۆ
مەلا حسێن عەبدولوەهاب-گۆتارخوێنێ مزگەفتا ئەلفەتح

ل گۆری ژێدەرێن ئاركێ كو سەدەما ژكاردوورخستنا وان مەلەیێن كورد ژ ئالیێ پ ی د ڤە تەنێ ڤەدگەرە كو ئەو مەلا بۆنە و ئاهەنگێن پ ی د ئامادە نابن و بابەندی بریار و خوەستەكێن سیاسی یێن پ ی د نابن.

583