پەیمانگەها واشنتون یا سیاسەتا رۆژهلاتا نێزیك: ی پ گ بوو سەدەما هلوەشاندنا پرۆسەیا ئاشتیێ ناڤبەرا توركیە و پ ك ك
لێكۆلینەر سۆنەر چاغاپتای برێڤەبرێ پرۆگراما لێكۆلینێن توركی ل پەیمانگەها واشنتون یا سیاسەتا رۆژهلاتا نێزیك دبێژە ناڤچەیا ئارام یا كو بریارە ل سەر سینۆرێ توركیێ ل سووریێ وەرە ئاڤاكرن وێ پەیوەندیا ناڤپەرا ئەمەریكا و توركیێ ژ ئالیەكی ڤە و توركیە و پ ك ك ژ ئالیەكی دن ڤە باشتر بكە.
چاغاپتای د گۆتارەكێ دە دەربارێ ڤێ بابەتێ كو رۆژا نەهێ ڤێ مەهێ بەلاڤكریە دبێژە، د دەستپێكا كو چەكدارێن ی پ گ جهێ خوە ل ناڤچەنە كوردستانا سووریێ گرتنە و ڤالاهیا ڤەكشانا رێژیمێ داگرتنە، توركیێ لدژی وان دەرنەكت كو بەشەك ژ سەدەمێن وێ یەكێ ڤەدگەرە كو د وێ دەمێ دە پرۆسەیەكە ئاشتیێ ناڤبەرا توركیێ و پ ك ك دە هەبوو و لداربوو.
چاغاپتای هەروەها دبێژە پشتی شەرێ كۆبانیێ و پشتەڤانیا ئەمەریكا ژ چەكدارێن ی پ ك رە كو وەكە باسكێ پ ك ك ل سووریێ بناڤ دكە، ئێدی چەكدارێن پ ك ك وەكە هێزەكە خوەدی رۆل و جیۆگرافی وپشتەڤانكری ژ ئەمەریكا ئێدی هات ناسكرن و دەركەت هۆلێ، وێ یەكێ ژی پ ك ك هاندا كو بهتر لدژی توركیێ دەركەڤە و هەولا بدەستخستنا هن ناڤچەیان ل توركیێ بدە و رێڤەبەریەكە خوەسەر مینا یا كو پ ی د ل سووریێ راگهاندی، لور ژی راگهاینە، و ئەو یەك بوو سەدەم كو پرۆسەیا ئاشتیێ ناڤبەرا توركیێ و پ ك ك دە وەرە هلوەشاندن، و حەتا كو ی پ گ ل سووریێ خوەدی رۆل و بهێز و پشتەڤانكری بە، پ ك ك ژ ئسفزازكرنا توركیێ ڤەناگەرە و نایێ لسەر مێزا دانووستاندنان.
لێكۆلینەرێ ناڤبۆری دبیژە دڤێ ل ناڤچەیا ئارام رێكەفتنا توركی و ئەمەریكی ل سەر لاوازكرنا ی پ گ بە و تێگەهشتنەك مینا تێگەهشتنا هەردوو ئالیان ل منبجێ وەرە بجیكرن ئانگو ڤەكشانا چەكدارێن ی پ گ و رادەستكرنا باژێر بۆ ئالیێن خوەجهی، دناڤ دە كوردێن كو تەڤلی پ ی د و ی پ گ نەبوونە.
246
