سپۆتنیك: پشتی جەژنا قوربانێ ئۆپەراسیۆنا لەشكەریا توركی وێ وەرە ئەنجامدان
آرك نيوز...ژێدەرەكە لەشكەریا توركی ئەشكەرەكر كو ئەگەر هەیە ئۆپەراسیۆنا لەشكەریا توركیا بۆ سەر رۆژهلاتێ فەراتێ د دەمەكە نێزیك دە وەرە ئەنجامدان , وئەگەر هەیە ژ نیشكێڤەژی وەرە ئەنجامدان .
ئاژانسا سپۆتنیك یا رووسی ل سەر زارێ ژێدەرەكە لەشكەریا توركی ئەشكەرەكر كو ل گۆری ئامادەكاریان ول گۆری كو پلان ژێرە هاتیە دارێژتن ئارتێشا توركیا وێ ئۆپەراسیۆنا لەشكەری ل رۆژهلاتێ چەمێ فەراتێ پشتی جەژنا قوربانێ ئەنجام بدە .
هەروەها ژێدەرا لەشكەری دایەزانین كو ئەگەر هەیە ئەو ئۆپەراسیۆنا لەشكەری ژ نیشكێڤە وەرە ئەنجامدان , ژ بەر دەمێ ئەنجامدانا ئێریشێ ب پێشهاتە وگوهارتنان ڤە گرێداییە .
ژێدەرا لەشكەری گۆتژی كو ئەمریكا وتوركیا دەربارێ بەرفەرەهیا ناڤچەیا ئارام نەگهشتنە رێكەفتنێ , ژ بەر توركیا ب پێشنیارا ئەمریكا رازی نەبوویە , وتوركیا رژدە ل سەر بەرفەرەهیا ( 32 ) كیلۆ متر .
ل گۆری كو ئاژانسا ناڤهاتی ئەشكەرەكریە , ژێدەرەكە كوردی گۆتیە ئۆپەراسیۆنا لەشكەریا توركیا وێ سنووردار بە , ووێ بنگەهێن چەكدارێن پەیەدە بكە ئارمانج , وئەمریكا رازی نابە كو توركیا ئۆپەراسیۆنەكە بەرفەره ئەنجام بدە , وباژارێن رۆژئاڤایێ كوردستانێ كۆنترۆل بكە , وب تەنێ ئەمریكا وێ بۆ دەما چەند رۆژەكێ خوە ل هەمبەر ئێریشێن توركیا بێ دەنگ بكە.
رەجەب تەیب ئەردوغان سەرۆكێ توركیا رۆژا یەك شەمێ راگەهاندنبوو كو ئارتێشا توركیا وێ دەرباسی رۆژهلاتێ چەمێ فەراتێ ببە , وەكە چاوە دەرباسی عەفرینێ بوو , وتوركیا , ئەمریكا ورۆسیا ژ ئێریشا لەشكەری ئاگەهداركرنە .
498
