واشنتۆن پۆست: ئەمریكا داوین هەولا رازیكرنا توركیا دا

آرك نيوز...رۆژنامەیەكە ئەمریكی ئەشكەرەكر كو ئەمریكا د رازیكرنا توركیا دە داكو رێگریێ لێ بكە وئۆپەراسیۆنا رۆژهلاتێ چەمێ فەراتێ ئەنجام نەدە , سەرنەكەت .

رۆژنامەیا واشنتۆن پۆست یا ئەمریكی راگەهاند كو ئەمریكا داوین هەولا خوە ژ بۆ رازیكرنا توركیا ئەنجامدا , و د وێ هەولێ دە ئەمریكا پێشنیاركر كو درێژاهیا ناڤچەیا ئارام ل رۆژهلاتێ چەمێ فەراتێ ( 140 كلیۆ متر بە , وبەرفەرەهیا وێ ( 15 ) كیلۆ متر بە , لێ توركیا پێشنیارا ئەمریكا رەت كر , وتوركیا رژدە ل سەر ئەنجامدانا ئۆپەراسیۆنا لەشكەری .

هەروەها د پێشنیارا ئەمریكی دە هاتبو كو چەكدارێن سەر ب پەیەدە ڤە ل سەر سینوور نامینن , ودەوریێن هەڤبەش یێن ئەمریكی وتوركی وێ وەرنە ئەنجامدان , لێ توركیا تەكەزی ل سەر نەرازیبوونێ كر وگۆت كو ئەوی ناڤچەیا ئارام ب بەرفەرەهیا 32 كیلۆ متر ئاڤا بكە .

وەكە رۆژنامەیا ئەمریكی ئەشكەرەكری كو توركیا دخوازە د ناڤچەیا ئارام دە دەڤەرێن تایبەت ب پەنابەران هەن داكو پەنابەرێن سووری یێن ل توركیێ دمینن ل وان دەڤەران ب جیببن .

ئەڤ دانوستاندنێن ئەمریكی وتوركی د دەمەكێ دە تێن كو توركیا نێزیكی 120 هەزار لەشكەرێ خوە ل سەر سنیوورێ خوە ب سووریێ رە ئامادەكریە , ووەكە ژێدەرەكە لەشكەریا توركی دایەزانین كو پشتی جەژنا قوربانێ ئۆپەراسیۆنا لەشكەری ل رۆهلاتێ چەمێ فەراتێ وێ وەرە ئەنجامدان .

رۆنامەیا واشنتۆن پۆست گۆت كو ئەڤ نەرازیبوون توركیا وێ باندرۆێ ل سەر پلانا دۆنالد ترامپ سەرۆكێ ئەمریكا یا تایبەت ب ڤەكشانا هێزێن ئەمریكی ژ سووریێ بكە , و د هەمان دەمێ ئەولەهیا دەڤەرێ وێ بكەڤە بن مەترسیەكە مەزن دە .

641