راپۆرتا سیاسی یا پهدهكهسێ .. تیرمهها 2019
آرك نيوز .. پارتیا دەمۆقراتا کوردستان - سووریا راپۆرتا خوە یا سیاسی یا مەھا تیرمەھا ٢٠١٩ بەلاڤ کر، تێدە مژار و بابەت و پێشھاتەیێن داویێ ل سەر ئاستا رۆژئاڤایێ کوردستانێ و سووریێ، و ھن بابەتێن دن ئامەژا پێ کریە .
راپۆرتا سیاسی یا پهدهكهسێ ب ھەرێما ئەولەھ دەست پێ کریە کو دیمەنا سیاسی یا نھا جھێ بالکێشی و شۆپاندنێ ژ ھژمارەک دۆسەیێن ل سەر ئاستا رەوشا سووریێ، د سەری دە ھەرێما ئەولەھە، کار د رێیا دیپلۆماسیا ناڤدەولەتی و ناڤنەتەوی ل سەر تێ کرن، ب تایبەت تورکیێ تەڤی کو رۆلا سەرەکەیا ھەڤپەیمانیا ناڤدەولەتییە ژ بەر کو ئەو ھەرێم یا کو ب رۆژھلاتا فەرێت تێ ناسکرن د بن ھەژموونا وێ دە یە، تێ وێ واتەیێ دامەزراندنا ھەرێما ئەولەھ ب وێ سپارتیە، و بەرپرسیارەتیا وێ یە، لەوما دبە د قۆناخا یەکەم دە ئەو ب کارووباران رەبە پشرتە نەتەوێن یەکگرتی د جڤاکا ناڤدەولەتی دە تێ.
یەک ژ مژارێن کو پهدهكهسێ ئانیە زمان مژارا ئدلبێ یە، کو شەر و پەڤچوونێن لێ وێ دەرێ بەردەوامن، رێژیم ب پشتەڤانیا رووسیا و ئیران دخوازە دووبارە دەستێ خوە دەینە سەر، د دەمەکێ دە ھەموو ل بەندا دەرەنجامێن جڤینا گەرا ١٣یا ئاسیتانا نە، وەک وەلاتێن گەرەنتۆر ژ کێمکرنا ئاستا شەر د وان ھەرێمان دە، و کار ژ دامەزراندنا کۆمیتا دەستووری تێ. ئەگەر ھەیە جورەک ژ لھەڤھاتنێ د وێ دەربارێ دە ھەبە دا کو چارەیەک بەشبەشی وەرە دیتن، و دبە کو چارەیا سیاسی ب دەرەنگ بکەڤە، ژ بەر کو رێژیم و ھەڤالبانەدێن خوە بژاردەیا لەشکەری دانینە بەر چاڤێن خوە.
دەربارێ تورکیێ و گەفێن وێ، د راپۆرتا سیاسی دە ھاتیە کو تورکیێ رۆلا دووئالی ب دانووستاندنا ب ھەر یەک ژ رووسیا و ھەڤپەیمانیا ناڤدەولەتی رە دلیزە، و کار ژ بۆ دامەزراندنا ھەرێما ئەولەھ دکە د رێیا شاندنا ھێزێن خوە یێن لەشکەری ل سەر سینۆرێ سووریێ و گەفدانا ب بوھەنایا دوورخستنا مەترسیێ ل سەر سینۆرێ خوە، و دابینکرنا جھەکە ئەولەھ ژ پەنابەرێن عەرەبێن سووریێ یێن کو ل تورکیێ دمینن دا کو وان ب جی بکە .
لێ ناکۆکی ل سەر ئالیێن دێ ب رێ ڤە ببن و کووراھیا وێ ناڤبەرا ٥ و ٧-١٤ ھەروھا ٣٢- ٤٠ کیلومتران ھەنە. ب گشتی تێگھشتنەک ناڤبەرا ئالیێن پەیوەندیدار دە ھەیە، و ھەر دلگرانی و نەرحەتی ل جەم پێکھاتەیێن ھەرێمێ ھەیە کو سینارۆیا عەفرینێ و ئێش و ئازارێن وێ ل ھەرێمێن دەستیشانکری یێن ھەرێما ئەولەھ دە دووبارا ببە .
ل سەر ئیرانێ پهدهكهسێ گۆتیە کو شەرێ وێ ب ئەمەریکا رە د رێیا گەرمکرنا شەرێ راگھاندنی یە، ب وێ یەکێ بوھانەیان دروست دکە دا کو رووبرووبوونەک زندی و یان د رێیا رێکارێن خوە رە جێ بکە. حکوومەتا عیراقێ ژی گاڤان داڤێژە ژ بۆ رێگریکرن ژ دەستێوەردانا ئرانی، و کار ژ ب نێزیکبوونەکێ ب ھەرێما کوردستانێ رە دکە و پرسگرێکان چارەسەر بکە نەخاسم جیبجیکرنا مادەیا ١٤٠ د دەستوورا عیراقێ دەیا دەردارێ کەرکووکێ دە.
ل سەر ھەرێما کوردستانێ راپۆرتا پارتیا دەمۆقراتا کوردستان- سووریا بال کشاندیە سەر کو رەوش بەرەڤ لھەڤھاتن و رێکەفتنێ ل سەر دۆسەیێن سەرەکە، ب تایبەتی ناڤبەرا ئالیێن پهدهکێ و یهنهکێ و گۆران دجە، ژ بەر بیر و باواری ژ سەرکردەیێن ھەرێما ھەیە د خزمەتا گەلێ کوردستانێ و دابینکرنا ئەولەھی و سەگەمگریێ، ژ بۆ ھەموو پێکھاتەیان وێ، ھەروھا رۆلا بەرز یا سەرۆک مەسعوود بارزانی د دانھەڤ و جیبجیکرنا لھەڤھاتنان ناڤبەرا ئالیێن کوردستانی دە تەکەزی ل پێشکەتنا پرۆژەیا نەتەوییا کوردستانی یە کو پێشەرۆژەک گەش ل پێش کوردستانێ ھێڤیان داتینە .
ل سەر رەوشا عهفرینا رۆژئاڤایێ کوردستانێ پهدهكهسێ بەھسا بنپێکرنان، و رەوشا ھەرێمێ کریە کو ھین ژ کریار و بنپێکرنێن بەردوان ژ ئالیێ ھن گرووپێن کو ل سەر ئالیێن ئۆپۆزسیۆنێ ژمارتی خەلک ژێ دنالە. ئەو گرووپ ب مەژیا ئیسلامی جودا ب کینا خوە ل ھەمبەر گەلێ مە ناڤدەرن، ئەو کریار ژی ب چ شێوەیێ و پیڤانێن مرۆڤی و رەوشتی بە جھێ شەرمەزاریێ یە .
لێ کار ژ ئالیێ دۆستان ڤە ژ بۆ بداویانینا ئێش و ئازارا گەلێ عهەفرینێ و دووبارا ڤەگەرا دەربدەران و گەرانتیا رێڤەبربا ھەرێمێ ژ ئالیی شێنیێن وێ ڤە، و دابینکرنا ئارامی و سەگەمگیریێ تێ کرن .
د داویێ راپۆرتا خوە دە پارتیا دەمۆقراتا کوردستان سووریا پهدهكهسێ نیشان ب مژارا کارێن بەردەوام ژ بۆ جیبجیکرنا جورەک ژ جورێن لھەڤھاتنێ ناڤبەرا ئەنهکهسێ و پهیهدێ دە کریە کو تو روونشتنەک ژ بلی یا ل فرانسەیێ نەھاتیە ئەنمجامدان و تو ھەڤدیتنێن زندی ل سەر خاکا سووریێ نەھاتنە پێکانین لێ ئەم تەکەز دکن کو ئەو گاڤ ھاتنە راوەستاندن ژ بەر کو پهیهدێ بەرسڤ ل سەر مژارا گرتی و سورگونکری و داخوازکریێن سیاسی و دادوەری نەدایە .
ش.ع
487
