ئهنجومهنا خوهجهی یا عهفرینێ ئالیكاری سهر شاگرتان بهلاڤ كر
كۆمیتا هاوارچوونێ د ئهنجومهنا خوهجهی یا ناڤهندا باژارێ عهفرینێ ئالیكاری سهر شاگرت وخوهندهكارێن عهفرینێ ره بلاڤكر .
ژێدهرك ژ ئهنجومهنا خوهجهی یا عهفرینێ ژ ئاركێ راگهاند كو كۆمیتا هاوارچوونێ د ئهنجومهنا خوهجهی ده د چارچۆڤهیا دوو رۆژێن بووری ده یهكشهم وشهمی 21و22/7/2018 ان ئالیكاری ل سهر دبستانێن باژارێ عهفرینێ بلاڤكر وشاگرتان سوود ژ وێ دیتن.
ژێدهرا تایبهت ههروهها دا زانین كو ئالیكاری ژ 2000 توور پێكدهات تێده شیر وخوارن وپێدڤیێن زارۆكان ههبوون ول سهر دبستانێن ناڤهندا باژارێ عهفرینێ وهك دبستانا فێسهل قهدوور سلێمان حهلبی ئتحاد مهیسلوون ودبستانێن تاخا مهحموودیێ وئهشرهفیێ وعهفرینا كهفن ونوو هات دابهشكرن وبلاڤكرن.
ژێدهرێ ئامهژه ب وێ یهكێ كر وگۆت ئالیكاری ژ ههیڤا سۆر یا توركی هاتبوو پێشكێش كرن وخوهندهكارێن خولا هاڤینێ ژ خهلكێ عهفرینێ و دهربدهرێن عهرب سوود ژێ وهرگرتن كو ئهو خول وهك تهعوید ولشوونا رۆژێن شهر هاتیه ڤهكرن .
ژ دهسپێكا راگهاندا ئهنجومهنێن خوهجهی یێن ژبۆ رێڤهبهرنا كار وبارێن وهلاتیێن عهفرینێ وپێشكێش كرنا خزمهتگوزاریێ هاتنه دامزراندن كو ههفت ئهنجومهنن وتهڤی كێمبوون ولاوازبوونا پشتگری وپشتهڤانییا وان لێ ب كارین وشیانێن خوه یێن كێم ههولا پێشكێش كرنا ئالیكاریان ژ خهلكێ گوند وناڤچه وناڤهندا باژارێ عهفرینێ ره دكن .
وتهڤی ئاستنهگیێن بهردهوام ژ گرووپێن چهكدار لێ ئهو ل سهر كارێ خوه رژدن وخوه ل سهر ئاردێ سپاندنه ودرووشم وسلۆگانا وان بانگا ڤهگهرێ ژبۆ عهفرینێ دكن داكو لڤ وتهڤگهرا گرووپێن چهكدار تونه ببه وعهفرین جارهك بخمله وشێن ببه .
ش.ع
615
