
هیومن رایتس ووتش: رەوشا ژن و زارۆكان لكامپا ئەلهۆل پر خرابە
ارك نیوز .. رێخستنا هیومن رایتس ووتش دراپۆرتەكێ دە ئەشكەرەكر كو ب هەزاران ژن وزارۆك ل كامپا الهول یاكو دبن دەستێ پەیەدە دیە د رەوشەكە خراب دە دژین ، وزارۆك دبنە قوربانیا خرابیا رەوشێ.
رێخستنا هیومن رایتس ووتش دۆه سێشەمێ راگهاند كو لكامپا الهۆل یا پەنابەران لگوندەوارێ حەسەكێ كو دبن دەستێ پەیەدە دەیە بێهتری یازدە هەزار ژن و زارۆكێن بیانی لێ هەنە دناڤا واندە بكێمانی حەفت هەزار زارۆك یێن ژێر دووازدە سالی هەنە ، د رەوشێن پر خراب دە دژین كو ژبەر خرابوونا رەوشێ بكشتی بتایبەتی د وارێ تەندروستیێ دە هەژمارەك زارۆك جانێ خوە ژ دەست دانە.
هەمان رێخستنێ گۆت بئارمانجا شۆپاندنا رەوشا كامپێ ژ نێزیك ڤە وان د حزێرا ئیسال دە سێ جاران سەرەدانا كامپا الهۆل كرنە و لگۆری شۆپاندنا وان رەوشا خزمەتگوزاریێ لناڤا كامپێ د هەموو واران دە ، و بتایبەتی د وارێ تەندروستی دە پر خرابە و بسەدەما خرابوونا رەوشێ زارۆك راستی نەخوەشیان تێن كو دئەنجامێ دە ژیان خوە ژ دەست ددن .
لیتا تایلر لێكۆلینەر د رێخستنا هیومن رایتس ووتش دە گۆت كو ژن و زارۆكێن بیانی دناڤا كامپێ دە لگوندەوارێ حەسەكێ بۆ دەمەك نەدیار ئاسێ مانە ، كو پرانیا ولاتێن وان پەنابەرێن بیانی نەرازینە لسەر پێشوازیكرنا وان و تەڤلیبوونا وان جارەكە دن دناڤا جڤاكێ دە...
و سەربار كر كو ژبۆ پاراستنا وەلاتیێن خوە یێن كو ل كامپێ دژین وتووشی نەخوەشییان تێن ودئەنجامێ دە ژیانا خوە ژ دەست ددن ، پێویستە تەڤایا وەلاتان ب ئەركێن خوە رابن .
هەر لگۆری ئامارێن نەتەوێن یكگرتی ئەشكەرە كریە كو بكێمانی دووسەد وچل زارۆك د دەما كو بەرێ خوە ددن كامپا الهۆل یان ژی د دەما گهشتنا وان ژبۆ ناڤا كامپێ ژیانا خوە ژ دەست دانە .
گروپا ئالیكاریێن ناڤدەولتی ژی ژ ئالیێ خوە ڤە راگهاند ئەو ئالیێن كو سەرپرشتیا كامپێ دە ناڤێ مریان ویێن د ژیانێ دە نەمانە تۆمار ناكە ..
252