ههردوو وهزیرێن دهرڤه یێن رووسیێ وئهمریكا كریزا سووریێ گهنگهشهكرن
وهزیرێ دهرڤه یێ رووسیێ ب ههڤشانێ خوه ره یێ ئهمریكی كریزا سوریێ و چاوانیا رێدانێ ژبۆ گهاندنا ئالیكاریێن مروڤێ ژبۆ سوریێ گهنگهشهكرن .
دوه رۆژا شهمیێ 21/7/2018 وهزارهتا دهرڤه یێ رووسیێ داخویانییهك بلاڤكر وتێده هاتیه كوسێرغی لافرۆف وهزیرێ دهرڤه یێ رووسیێ ب رییا پهیوهندیا تهلهفونێ ب ههڤشانێ خو یێ ئهمریكی مایك بۆمبیۆ وهزیرێ دهرڤه یێ ئهمریكا هژمارهك ژ دۆسهێن گرێدای ب ههردوو وهلاتان ڤه گۆتووبێز كرن.
د داخویانییا وهزارهتا دهرڤه یا رووسیێ هاتیه كو مژارا چاوانییا ههڤكاری و گهاندنا ئالیكاریێن مرۆڤی ژ بۆ سوریێ یهك ژ مژارێن كو ناڤبهرا ههردوو وهزیران ده هاتیه زمان .
ل كۆر داخۆیانییا وهزارهتا دهرڤه یا رووسیێ كو هژمارهك ژ دۆسهیێن گرینك هاتن گۆتووبێژكرن و بتایبهت پێشهرۆژا ههردوو وهلاتان پشتی ههڤدیتنا ههردوو سهرۆكێن رووسیێ فلادیمیر پۆتێن وسهرۆكێ ئهمریكا دۆنالد ترامپ د لووتكهیا هلسنكی یاكو ههفتهیا بووری هاتبوو لدارخستن.
ههر د داخۆیانییا وهزارهتێ ده هاتیه كو ئهو پهیوهندی ل سهر داخازا ئهمریكا هاته پێكئانین.
ههر د ههمان رۆژێ سهرۆكێ رووسیێ فلادیمیر پۆتێن ب رییا پهیوهندیا تهلهفۆنی ڤه ب سهرۆكێ فهرهنسایێ ره ئیمانهوێل ماكرۆن كریزا سوریێ گهنگهشهكربوون.
وئهو یهك ب رییا داخۆیانییهكه كرملێنا رووسیێ هاته تهكهز كرن و گوهدانهك تایبهت ب ئالیێ گهاندنا مرۆڤی ژبۆ سووریێ هاته كرن و جیبجیكرنا دهسپێشخهریا فهرهنسی رووسی یا ههڤبهش .
ل كۆر ژێدهران كو وهزارهتا دهرڤه یا رووسیا د ریا بالهفرخانهیا شاتوور یا فهرهنسی 44 تهن ژ ئالیكاریێن مرۆڤی گهاندن بالهفرخانهیا حمێمیم یا ل سووریێ .
740