ئەنەسە ئەلعەبەدە: پەیوەندیا ناڤبەرا مە و ئەنەكەسە دە هەڤپاری یە

سەرۆكێ نوو یێ هەڤپەیمانیا نشتیمانی یا ئۆپۆزسیۆنا سووریێ، ئەنەس ئەلعەبدە گۆت كو پەیوەندیا ناڤپەرا هەڤپەیمانیا ئۆپۆزسیۆنێ و ئەنجومەنا نشتیمانی یا كوردی ل سووریێ دە پەیوەندیەكە هەڤپاری د وەلاتەكی یەكگرتی دە یە.

ئەلعەبەدە د سەمینارەكە كفتۆگۆیی دە كو ژ ئالیێ ئەنەكەسە ڤە ل بارەگەها هەڤپەیمانیا ئۆپۆزسیۆنێ هاتبوو برێكخستن، تەكەزی ل سەر گرنگیا بهێزكرنا پەیوەندیان ناڤبەرا پێكهاتەیێن سووریێ دە كر و گۆت پەیوەندیێن ناڤبەرا هەڤپەیمانیا ئۆپۆزسیۆنێ و ئەنجومەنا نشتیمانی یا كوردی ل سووریێ دە پەیوەندیەكە هەڤپاری د وەلاتەكی یەكگرتی دەیە و سەربار كر كو سووریێ نابە وەلاتەكی ئازاد و دادوەرانە بێ بەشداریا هەموو پێكهاتەیێن وێ و گەرەنتیا مافێن وان.


ئەلعەبەدە هەروەها تەكەزی ل سەر وێ یەكێ كر كو رێكەفتن ناڤبەرا هەڤپەیمانیا ئۆپۆزسیۆنێ و ئەنجومەنا نشتیمانی یا كوردی دە پێشكەتنەكە راستەقینەیە ژ ئالیێ هێزێن ئۆپۆزسیۆنێ ڤە، و هێڤیا خوە ب بەردەوامی ڤێ پەیوەندیا ئستراتەجیك بەرەڤ پێش ڤە دا دیاركرن، و ئاماژە ب وێ یەكێ كر كو گەرەك ئەو پەیوەندی ببە بنگەه و دەستپێك ژبۆ دامەزراندنا هەڤپاریەكە راستەقینە د سووریایا پێشەرۆژێ دە.


جیگرێ سەرۆکێ ھەڤپەیمانیا نشتیمانی یا ئۆپۆزسیۆنا سووریێ، دكتۆر. عەبدولحەکیم بەشار دەربارێ كارێ ئەنجومەنا نشتیمانی یا كوردی ل سووریێ دناڤا ئۆپۆزسیۆنا سووریێ دە، راگهاندبوو كو كارێ ئەنەسەكە ب ئۆپۆزسیۆنا سووریێ رە بژاردەیەكە ستراتەجی یە و دۆزا كوردی دووری چارچۆڤەیا سووری و كارب هەموو پێكهاتەیێن سووریێ ژبۆ سووریایەكە دیموقراتیك كو مافێ هەموویان لگۆری دەستوورەكە سووری گەرەنتی بكە، نایێ چارەسەركرن.

437