سالح موسلم: ژبۆ پاراستنا ئبراهیم برۆ ژ كوشتنێ، مە ئەو سرگۆن كر
سەركردەیەێ پارتیا یەكیتیا دیموقراتیك پەیەدی سالح موسلم گۆت كو وان سەرۆكێ بەرێ یێ ئەنجومەنا نشتیمانی یا كوردی ل سووریێ و ئەندامێ نها یێ كۆمیتەیا پەیوەندیێن دەرڤە یا ئەنجومەنێ ژ رۆژئاڤایێ كوردستانێ سرگۆن كر داكو ئەو وی ژ كوشتنێ بپارێزن.
موسلم د بەشداریەكێ دە ل گەل كۆربەندا ئەلمواتەنە دەربارێ برسەكێ لسەر دۆزا سرگۆنكرنا دژبەرێن خوە، گۆت ئەگەر مەبەستا وە ئبراهیم برۆ بە، مە ژ برۆ رە گۆت كو كەرەك تو وەری پاراستن و ئەسایشا مە ئانگو ئەسایشا پەیەدێ دێ تە بپارێزە لێ برۆ ئەو یەك رەد كر و گۆت: ئەز تو ئعترافێ ب وە و پاراستنا وە ناكم.
موسلم هەروەها گۆت كو ئەسایشا مە ژ برۆ رە گۆتیە هن ئالی هەنە دخوازن تە بكوژن و گەرەك ئەم تە بپارێزن لێ برۆ رازی نەبوو" پشترە ئەسایشێ ئەو دەرخست.
شەڤا 13ێ تەمووزا 2016ان چەكدارێن پەیەدێ ئبراهیم برۆ ل باژارێ قامشلۆ رەڤاند و بەرەڤ جهەكی نەناس ڤە برن، و بەربانگا سبەها چاردەهێ تموززێ ئانگو سبەها دن ئەو سرگوونێ هەرێما كوردستانێ كرن.
ژبلی برۆ ژی، بدەهان سیاسەتمەدار و چالاكڤانێن كورد ژ ئالیێ پەیەدێ ڤە هاتنە رەڤاندن و سرگۆنكرن و تا نها ژی چارەنڤیسا گەلەك ژ وان چالاكڤان و سیاسەتمەداران نەدیارە.
356
