لباكورێ سوریێ هەژمارەك قربانی كەتن
ارك نیوز .. رێژیما ئەسەد وروسیا د ئارمانجكرنا هەردوو باژارۆكێن ئدلب وحمایێ دە بەردەوامن یا هەری داوی ژی جارەكە دن ریژیم هەژمارەك باژار وباژارۆكێن لگوندەوارێ حمایێ ئارمانج كر د ئەنجامێ دە كوشتی وبریندار كەتن .
تیما بەرەڤانیا سڤیل د داخویانیەكێ دە راگهاند كو جارەكە دن بالافرێن شەركەر یێن رێژیما ئەسەد باژارێ كفرزیتا لگوندەوارێ حمایێ ب چەند ئۆپەراسیۆنێن ئەسمانی بومبەباران كر د ئەنجامێ دە سێ وەلاتیێن سڤیل برینداربوون و ژ ئالیی بەرەڤانیا سڤیل ڤە ژبۆ نەخوەشخانەیێ هاتن ڤەگوهەستن .
هەمان تیمێ د داخویانیا خوە دە ئەشكەرە كر كو هەر یەك ژ باژارێ اللتامنە و مۆرك و گوندێن الاربعین و القرقور والحويجة وجسر بيت الراس والحواش و هن باژار و گوندێن دن بتوندی هاتن ئارمانجكرن ژ ئالیێ بالافرێن شەر یێن رێژیمێ د ئەنجامێ دە هەژمارەك قربانی ناڤبەرا كوشتی وبریندار كەتن سەرباری روودانا زیانێن مادی مەزن لسەر مال وملكێن وەلاتیێن وێ دەڤەرێ .
هەمان ژێدەران دانە دیاركرن كو بەریا دوو رۆژان ژی د ئەنجاما ئێریشێن رێژیمێ ژ ئالیەكی و بالافرێن شەر یێن روسی ژ ئالیەكی دنڤە لسەر گوندێ لەتمین وباژارۆكێ اللتامنە لگوندەوارێ حمایێ دوو سڤیل هاتن كوشتن و هەژمارەك دن برینداربوون .
هەر دەربارێ قربانیێن ئێریشێن رێژیمێ لسەر لگوندەوارێ حمایێ تیما بەرەڤانیا سڤیلا سوری ئەشكەركر كو د هەیاما هەرسی مەهێن بووری دە بیهتری سێسەد وچل وچار قربانی ناڤبەرا كوشتی وبریندار كەتنە .
دەربارێ رەوشا ئدلبێ و گوندەوارێ وێ ژی تیما ناڤبووری ئەشكەرە كر كو باژارێ خان شیخون ب سیه و حەفت ئۆپەۆراسیۆنێن ئەسمانی ڤە هاتە ئارمانجكرن د ئەنجامێ دە سڤیلەك هاتە كوشتن و هەژمارەك بریندار كەتن سەرباری رووخاندنا هەژمارەك ناڤەندێن تەندروستی و دبستان و مزگەفێن لگوندەوارێ ئدلبێ .
هەروەها چالاكڤانان دانە خویاكرن ژی كو ل چیایی ئەربعین ل نێزیكی باژارێ ئەریحا ب چەند مووشەكەكی هاتە ئارمانجكرن و دوو سڤیل هاتن كوشتن .
200