پارتیا ئەلبەعس چالاكیەك لناڤا قامشلۆ لدارخست
پارتیا ئەلبەعس یا رێژیما ئەسەد د لدارخستن و بەرفرەهكرنا چالاكیێن خوە ل ناڤا باژارێ قامشلۆ و حەسەكێ یێن رۆژئاڤایێ كوردستانێ دە بەردەوامە.
دوه ل باژارێ قامشلۆ و ب ئامادەبوونا ئەمیندارێ شاخێ حەسەكێ یێ پارتیا ئەلبەعس تركی حەسەن كۆمبەندا قامشلۆ یا پارتیا ئەلبەعس ئاهەنگەك ژبۆ جوانێن خوە لدارخست كو تێ دە ئالایێن رێژیم ویێن پارتیا ئەلبەعس هەروەها وێنەیێن سەرۆكێ رێژیمێ بەشار ئەلئەسەد و باڤێ وی حافز ئەلئەسەد هاتن بلندكرن.
لگۆری روپەلا شاخێ حەسەكێ یا پارتیا ئەلبەعس كو د وێ ئاهەنگێ دە سەركردەیێن ئەلبەعس یێن دێرك و رمێلان هەروەها سەركردەیێن ئەولەكاری یێن رێژیمێ ژی ئامادەبوون.
لدارخستنا چالاكیا ناڤبۆری بەردەوامیا وێ یەكێ تێ كو بەرپرسێن ریژیمێ و یێن پارتیا ئەلبەعس د سەرەدانێن خوە دە ژبۆ باژارێ قامشلۆ و حەسەكێ بەردەوامن هەروەها پارتیا ئەلبەعس ژی د چالاكی و لدارخستنا كۆنگرێن شاخێن خوە دە یێن هەموو ناڤچەیێن جزیرا رۆژئاڤایێ كوردستانێ دە بەردەوامە، و هەڤدەمی وێ یەكێ تێ كو پەیەدێ ئدعاء دكە كو تو چالاكی بێ مۆلەتا وێ نایێن لدارخستن.
333
