رێژیما ئەسەد كومكوژیەك لگوندەوارێ ئدلبێ ئەنجام دا
ارك نیوز .. د ئەنجاما بەردەوامیا پرۆسەیا لەشكەری یا رێژیما ئەسەد لسەر دەڤەرێن باكورێ سوریێ بتایبەتی هەردوو گوندەوارێن ئدلب وحمایی هەژمارەك كەس بوونە قربانی .
چالاكڤانێن دناڤا گوندەوارێ ئدلبێ راگهاندن كو ئیرۆ بالافرێن شەركەر یێن رێژیما ئەسەد گوندێ معر شۆرین لرۆژهەلاتی گوندەوارێ ئدلبێ بتووندی ئارمانج كر و د ئەنجامێ دە نەه وەلاتیێن سڤیل جانێ خوە ژ دەست دان و هەژمارەك دنژی برینداربوون كو ژ ئالیێ تیما بەرەڤانیا سڤیلا سوری ژبۆ نەخوەشخانەیان هاتن ڤەگوهەستن .
هەمان چالاكڤانان دانە خویاكرن كو هەژمارەك باژار وباژارۆكێن دن لگوندەواڕی ئدلب و حمایێ بتایبەتی هەر یەك ژ باژار وباژارۆكێن اللگامنه، كفرزیتا، لگمین و دەردۆرا مۆرك و جسر الشغور وهن دەڤەرێن دن ژ ئالیێ بالافرێن شەر یین رێژیم وروسیا ڤە هاتن ئارمانجكرن د ئەنجامێ دە هەژمارەك قربانی ناڤبەرا كوشتی وبریندار كەتن سەرباری روودانا زیانێن مادی ل هەمان دەڤەرێ .
216
