رێژیم خالا ناكۆكدار ژبۆ كۆمیتەیا دەستووری ئەشكەرە دكە
رێژیما سووریێ خالا مایی یا جهێ ناكۆكیێ ژبۆ كۆمیتەیا دەستووری یا سووریێ ئەشكەرە دكە.
د لێدوانەكە تایبەت دە ژبۆ رۆژنامەیا ئەلوەتەن یا بسەر رێژیما ئەسەد ڤە ئەندامێ پەرلەمانتا رێژیمێ محەمەد بەشیر ئەلشەربەجی كو د جڤینا وەزیرێ دەرڤە یێ رێژیمێ وەلید ئەلموعەلەم ب ئالیكارێ تایبەت یێ سەرۆكێ ئەنجومەنا شێوەرمەند یا ئیرانێ حسێن ئەمیر عەبدولەهیان ل شامێ دە ئامادەبوو گۆت لهەڤكرن ل سەر ناڤێن كو جهێ ناكۆكیێ بوون ژبۆ كۆمیتەیا دەستووری هاتیە كرن لێ رێژیم داخوازا بهتریا دەنگان ژبۆ كۆمیتەیێ دكە ئانگو حەفتێ و پێنج ژ سەدی د هەر دەنگدانەكێ دە دكە.
شەربەجی هەروەها دایە زانین كو میكانیزما دەنگدانێ دێ د لۆتكەیا سێ ئالی ل ئاستانا د داویا ڤێ مەهێ یان د دەستپێكا مەها بێ دە وەرە چارەسەركرن.
كۆمیتەیا دەستووری یا سووری ژ سێ ئالیان پێك تێ، رێژیم و ئۆپۆزسیۆن و جڤاكا سڤیل یا كو دێ ژ ئالیێ نەتەوەیێن یەكگرتی ڤە وەرە هلبژارتن، كورد ژی ب رێیا ئەنجومەنا نشتیمانی یا كوردی ل سووریێ و ب رێیا نوونەراتیا ئەنجومەنێ دناڤا هەڤپەیمانیا نشتیمانی یا ئۆپۆزسیۆنا سووریێ رە، د وێ كۆمیتەیێ دە بەشدارن.
227
