توركیا نێزیكبوونا ئۆپەراسیۆنەكە خوە یا لەشكەری لدژی قسد راگهاند

توركیا نێزیكبوونا ئۆپەراسیۆنەكە خوە یا لەشكەری لدژی قسد راگهاند

Jul 14 2019

أرك نیوز....ئەڤە چەند رۆژن لڤ و تەڤگەر و بهێزكرنەكە لەشكەری توركی ل سەر سینۆرێ دەڤەرا سەرێ كانیێ یا رۆژئاڤایێ كوردستانێ دەركەتیە هۆلێ، بریارە شاندەكە ئەمریكی ژی ژبۆ ناڤچەیا ئارام د ڤێ حەفتەیێ دە سەرەدانا توركیێ بكە.

ل گۆری رۆژنامەیا یەنی عەقد یا توركی كو ئەنجامدانا ئۆپەراسیۆنەكە لەشكەری توركی لدژی چەكدارێن سووریایا دیموقراتیك ل ناڤچەیا رۆژهلاتێ فراتێ تەنێ پرسا دەمێ، یە ئانگو د نێزیكترین دەم دە تێ ئەنجامدان.

ل گۆری وێ رۆژنامەیێ كو نها توركیێ بهنڤەدان ژ لەشكەرێن خوە یێن ل سەر سینۆرێ سووریێ تا سێ مەهان راوەستاندنە و توركیێ پێگەهێن خوە ژی لسەر سینۆر بهێزتر دكە.


هەر د ڤێ دەربارێ دە ئاژانسا ئەنادۆل یا توركیێ ژی بەلاڤكریە كو كۆمەكە نوو ژ ئامێرێن لەشكەری گەهشتنە ویلایەتیا شانلی ئۆرفە یا نێزیكی سینۆرێ سووریێ هەروەها كاروانەك ژ بیست ئۆتۆمبیلان پێك دهات گەهتشیە ناڤچەیا ئاقچە قەلعە كو ژ تەقەمەنی و تانگ و زریپۆشان پێگدهات.


لڤ و تەڤگەرا توركیێ لسەر سینۆرێ سەرێ كانیێ هەڤدەمی وێ یەكێ تێ كو د ڤێ هەفتەیێ دە شاندەگە ئەمریكی دێ سەرەدانا توركیێ بكە و دێ مژارا ناڤچەیا ئارام ل رۆژهلاتێ فراتێ گەنگەشە بكە.

ژبۆ وێ سەرەدانێ ژی وەزیرێ بەرەڤانیێ یێ توركیێ خلووسی ئاكار ب هەڤشانێ خوە یێ ئەمریكی یێ بوەكالەت مارك ئسپیر رە پەیوەندیەكە تەلەفۆنی ئەنجامدا.

192