سەركردەیەكی ئتلافێ داخوازا بەلگەكرنا تاوانێن پەیەدە دكە

سەركردەیەكی هەڤپەیمانیا نشتیمانی یا ئۆپۆزسیۆنا سووریێ داخوازا بەلگەكرنا تاوانێن كو ل سەر دەستێ چەكدارێن پارتیا یەكیتیا دیموقراتیك پەیەدێ تێنە ئەنجامدان كر.

یاسر ئەلفەرحان، ئەندامێ دەستەیا سیاسی یا هەڤپەیمانیا ئۆپۆزسیۆنێ د داخویانیەكە رۆژنامەڤانی دە بەحسا گرنگیا بەلگەركنا تاوانێن كو لسەر دەستێ رێژیما ئەسەد و هەڤپەیمانێن وێ، سەربارێ تاوانێن كو لسەر دەستێ پەیەدێ لدژی سڤیلان تێنە ئەنجامدان كر.

ئەلفەرحان هەروەها گۆت كو هەڤكاریەكە بلند ناڤبەرا میلیسان و رێژیما ئەسەد دە هەیە، و گۆت كو رێژیمێ پشتەڤانیا وان میلیسان ب پەرە و چەكان كر هەروەها هن ناڤچە ب تمامی، دناڤ دە دەزگەه ژی هەبوون رادەستی وان كر، ئەو یەك ژی وەكە دەستهلاتەكە ب وەكالەت ژبۆ بنپێكرنا شۆرەش و داخوازكارێن ئازادی و دیموقراسیێ.

د ڤێ دەما داویێ دە بەحسا هەولێن تەڤلیكرنا پەیەدێ بۆ ئۆپۆزسیۆنا سووریێ ژبۆ ئامادەبوونا وێ دناڤا دانوستاندنێن سووریێ دە تێ كرن، د ڤێ دەربارێ دە ژی ئەندامێ كۆمیتەیا سیاسی یا پارتیا یەكیتی یا كوردستانی-سوریا فۆاد عەلیكۆ گۆت كو حەتا كو پەیەدێ دناڤا ئۆپۆزسیۆنێ دە وەرە پەژراندن دڤێ پەیەدە هن پێنگاڤان باڤێژە و نەرین و هەلوەست و كریارێن خوە دەربارێ ئەنجومەنا نشتیمانی یا كوردی ل سووریێ و ئۆپۆزسیۆنێ بگوهەرە، د وێ دەمێ دە ئەنەكەسە دكارە رۆلەكێ ژبۆ گوهەرتنا نەرین و هەلوەستا هەڤپەیمانیا ئۆپۆزسیۆنێ لسەر پەیەدێ بلیزە.

195