بریتانیا و فەرەنسا دێ هێزێن بەژایی بشینن سوریێ

ارك نیوز .. رۆژنامەیا فۆرن پۆلیسی یا ئەمەریكی ئەشكەرە كر كو وەلاتێ بریتانیا و فەرەنسا لسەر شاندنا هێزێن بەژایی بۆ ناڤ خاكا سوریێ ئەرێ كرنە ئەوژی پشتی ڤەكشانا بەشەك ژ هێزێن ئەمەریكی ژ سوریێ داكو وێ ڤالاهیا كو هێزا ئەمەریكی دروست بكە پشتی ڤەكشانێ داگرن .

هەمان رۆژنانەیی لسەر زارێ بەرپرسەكی ئەمەریكی پلە بلند د ئیداریا ئەمەریكایێ دە ڤەگوهەست كو پەژراندنا وەلاتێ فرنسا وبریتانا ژ شاندنا هێزێن خوە یین بەژایی بۆ سوریێ پشتی كو ئەمەریكا بەشەكی ژ هێزێن خوە ژ سوریێ ڤەكشینە دبە دەسكەفتنەك مەزن ژ تیما ئەمولەهیا نەتەوی یا سەرۆكێ ئەمەریكا دۆنالد ترامپ رە .

هەمان بەرپرسێ ئەمەریكی ژ رۆژنامەیا ئەمەریكی رە دا زانین كو هەردوو هەڤپارێن ئەمەریكا یێن سەرەكە بریتانیا و فەرەنسا كو هێزێن وان دناڤا خاكا سوریێ دە هەنە وێ پابەندیێ ب شاندنا هێزێن زێدەتر بۆ ناڤ خاكا سوریێ بكن ئەوژی ب رێژەیا ناڤبەرا دەه تا پازدە ژ سەدی یە .

بەرپرسێ ناڤهاتی سەربار كر وگۆت ئەگەرەك مەزن هەیە كو چەند وەلاتەكی دنژی بەشەك بچووك ژ هێزا خوە بشینن سوریێ بتایبەت وەلاتێ ایتالیا كو نها د وارێ ستاندنا بریارێ دەنە كو هێزا خوە بشینە سوریێ یا نها ودا خویاكرن كو توو دەم یان ژی هەژمارەك دەستنیشانكری ژبۆ بەلاڤكرنا وان هێزێن زێدە بۆ ناڤ خاكا سوریێ نینە .

پشتی رەدكرنا وەلاتی ئەلمانیا ژ داخوازا ئەمەریكا كو ئەو هێزێن خوە ناشینن سوریێ ب رۆژەكێ هەردوو وەلاتێن فرنسا وبریتانیا لسەر شاندنا هێزێن خوە بۆ سوریێ ئەرێكرن لێ تا نها بشیوەیەكی فەرمی نە بریتانیا و نەژی فەرەنسا شاندنا هێزێن خوە یێن بەژایی بۆ سورێێ رانەگهاندیە .
لگۆری راپۆرتێن كو هاتنە بەلاڤكرن كو فرنسا وبریتانیا ب نەهینی لسوریێ كار دكن و هەر یەك ژوان هێزێن وانی تایبەت لرۆژئاڤایێ كوردستانێ هەنە و بەلاڤ بوونە

239