رێژیما ئەسەد ب دەهان گرتی د ناڤ وان دە ژن وزارۆک وکورد هەنە سەربەست بەردان

ئارک نیوز .. ل گۆر رێکەفتنا ناڤبەرا چەکدارێن دەستەیا تحریر الشام ل ئالییەکێ و ملیسێن ئێرانی و رێژیما ئەسەد ل ئالییەکی دن کو ب رێکەفتنا هەردوو باژارۆکێن کەفرەیا والفووعا یێن ل پارێزگەها ئیدلبێ تێ ناسکرن ب سەدان گرتی سەربست هاتن بەردان.

مالپەرێن سەر ب ئوپوزسیونا سوریێ ناڤێ 1500 گرتی یێن ل گور وێ رێکەفتنێ هاتنە بەردان بلاڤکرن تێدە ژن وزاروک ژی هەنە و هژمارا ژنان 126ن ویا هەری مەزن 56 سالی یە و سێ ژ وان زارۆکێن وان ب وان رە نە.

ل گۆر ژێدەرێن ئوپوزسیونا سوریێ کو پرانیا گرتییان بەریا دەمەکە کورت هاتبوون گرتن و کەسێن ژ دەسپێکا شورەشا سوریێ هاتن بنچاڤ کرن نە هاتنە بەردان و تا نها چارەنڤیسا وان نە دیارە .

دناڤ لیستەیا گرتییان هژمارەک ژ گرتیێن کورد هەنە کو ژ باژارێن حەسەکێ ودیریک كوبانێ و عەفرینێ نە وژ کەسێن هاتنە ناسکرن بیست ودوو ناڤ ژ عەفرینێ نە ویەک ژ کوبانێ یە وهەژمارەک ژ حەسەکێ ودەردورا حەلەبێ نە.

لێ تا نها پرسا ب دەهان گرتییێن کورد یێن د زیندانێن رێژیمێ دە و یێن کو پەیەدێ رادەستی رێژیمێ کرنە ویێن چارەنڤیسا وان نە دیارە تێ کرن وب تایبەت 19 ناڤێن کورد یێن د زیندانێن رێژیمێ دە کو ژئالیێ دەزگەها ئارکێ ڤە هاتنە بەلگەکرن و هەرسێ ئەندامێن پارتیا دەموقراتا کوردستان سوریا عبدالرحمن ئاپۆ و پارێزەر ئدریس عەلۆ و ئەحمەد سیدۆ یێن کو سیاسەتمەدار دبێژن کو پەیەدێ رادەستی رێژیمێ کرنە و بدهان وەلاتی وچالکڤان یێن ژ بەر سەدەمێن جۆدا جۆدا هاتنە گرتن کو تا نها تۆ ئاگاهی و زانیاری ل سەر وان تونەنە هەردەم پرسا وان تێنە کرن .
ش . ع
.

689