ل كوردستانا سووریێ كی ب كێ رە وێ ل هەڤ بكە؟ و چاوا؟

د دەما داویێ دە بەحسا دەستپێشخەریەكە فرەنسی ژبۆ نێزیبكوونێ ناڤبەرا ئەنجومەنا نشتیمانی یا كوردی ل سووریێ و پارتیا یەكیتیا دیموقراتیك پەیەدێ تێ كرن، لێ تا نها ئەو یەك تەنێ د وارێ خوەشكرنا ئاتمۆسفێران دە یە.

ئەنجومەنا نشتیمانی یا كوردی ل سووریێ داخواز ژ پەیەدێ دكە كو بەریا هەر نێزكیبوون و رێكەفتنەكێ گەرەك ئاتمۆسفێران خوەش بكە مینا دوبارە ڤەكرنا ئۆفیسێن ئەنجومەن و رێخستن و پارتیێن وێ و سەربەستبەردانا گرتیێن سیاسی ژ زیندانێن پەیەدێ و رێپێدان بۆ سەربسەستیا كارێ سیاسی، و ئەو یەك ژی لگۆری كو ئەنجومەن دبێژە هین ژ ئالیێ پەیەدێ ڤە نەهاتیە ئەنجامدان.

دڤێ دەربارێ دە پۆلیتبیرۆیا پارتیا دیموقراتا كوردستان سووریا دبێژە ئەو وەكە پارتی و ئەنجومەن هەڤپاریەكە راستەقینە ب پەیەدێ رە دخوازن لێ پەیەدێ نەجدی یە ژبۆ وێ یەكێ و ب رێیا كریارێن خوە بەرۆڤاژیێ وێ یەكێ دەردكەڤە.

بەریا دەستپێشخەریا فرەنسی ژی گەلەك هەول و رێكەفتنێن دن ژی هەبوون مینا رێكەفتنا هەولێر1 و هەولێر2 و دهۆكێ ب سەرپەرەشتیا سەرۆك مەسعوود بارزانی، لێ ئەو هەموو هەول و رێكەفتن نەكەتن د وارێ بجیكرنێ دە، و ل ئالیەكی دن ئەگەر نێزیكبوونەك یان رێكەفتنەك ناڤبەرا هەردوو ئالیان دە هاتە ئەنجامدان هن پرس دەربارێ گەلەك دۆسیایان دەردكەڤن هۆلێ، ژ وان ژی:
1-دۆسیایا ڤەگەرا پیشمەرگەیێن رۆژ
2-شێوازێ رێڤەبەریێ ل ناڤچەیێن كوردستانا سووریێ
3-جیۆگرافیكا رێڤەبەریا نوو
4-رەوشا ل عەفرینێ و پێشەرۆژا وێ
5-ناڤچەیا ئارام و كورربوون و هورگولیێن وێ
6-دەزگەها لەشكەری ل چارچۆڤەیا جیۆگرافیكا رێڤەبەریا نوو دە
7-میكانیزما دانووستاندنێ ب رێژیمێ رە نەخاسم هەبوونا رێژیمێ لناڤا باژارێ قامشلۆ و حەسەكێ دە
8-داخوازیێن سیاسی و ئاستا وان داخوازیان، چ ژبۆ چیۆگرافیا گشتی یا رێڤەبەریا نوو بە یان ژی ژبۆ كوردستانا سووریێ بە
9-كۆمكوژیێن كو ل سەر دەستێ پەیەدێ هاتنە ئەنجامدان و میكانیزما دادگەهكرنا پێكینەران و قەرەبۆكرنێ
10-دۆسیایا زنارا عەرەبی و عەرەبێن غەمر
11-شێوازێ تێكلیێن فەرمی ب توركیێ رە پشتی ئاڤاكرنا رێڤەبەریا نوو، نەخاسم ئەگەر دیتنا توركیێ لسەر پەیەدێ وەرە بەرچاڤبرن د وێ رێڤەبەریا نوو

ژبلی ڤان پرسان گەلەك پرسێن دن ژی دەربارێ دەستوور و قوناغا ڤەگوهێز و سووریایا پێشەرۆژێ دەردكەڤن هۆلێ، و دبە كو ل سەر ماسا دانوستاندنان ژی ژبۆ هەر نێزیبكوون یان رێكەفتنێ ناڤبەرا ئەنەكەسە و پەیەدێ دە.ئەو یەك دۆسیانە سەرەكە و بنگەهین بن.


ژ ئالیەكی دن ڤە ل سووریێ ناڤچەیێن سەرپەرەشتیاریێ هەنە ئانگو ئەمەریكا، رۆسیا تركیا و ئیران، ژبۆ وێ یەكێ هەر رێكەفتنەك بێ گومان وێ رێكەفتن و لهەڤكرن ناڤبەرا وان ئالیێن خوەدی باندۆر و سەرپەرەشتیاری ژی هەبن یان وەرن بەرچاڤبرن، و ل ڤر ژی پرسەك دەردكەڤە هۆلێ؟ ل رۆژئاڤایێ كوردستانێ وێ كی ب كێ رە لهەڤ بكە و چاوا؟

594