پەیەدێ وێ چاوا جۆتكاران قەرەبۆ بكە
پشتی شەوات و شەوتاندنا ب هەزاران ژ زەڤیێن جۆتكارێن رۆژئاڤایێ كوردستانێ، و داخویانیێن بەرپرسێن پەیەدێ ب نەكارینا وان ژبۆ قەرەبۆكرنێ، نها پەیەدێ بریار دایە كو چۆتكاران قەرەبۆ بكە لێ ئەو بریار بوو جهێ نەرازیبوونا جۆتكاران و وەلاتیێن دن ژی.
لگۆری بریارا پەیەدێ كو وێ قەرەبۆكرن ژ دوو ژێدەران وەرە ستاندن، یەكەم وێ هەزار لێرەیێن سووری ژ كارمەندێن رێڤەبەریا پەیەدێ وەرە برین ژبۆ قەرەبۆكرنا جۆتكاران.
دویەم وێ هلمەتێن ڤەدان و كۆمكرنا ئالیكاریان ژ خەلكێ وەرەن ئەنجامدان.
هەروەها ئەو قەرەبۆكرن ژی وێ تەنێ تەكلیفەیێن چاندنیێ لخوە بگرە نەك قازەنج و سوودەیێ.
ل گۆری بریارا پەیەدێ كو پەیەدێ قەت یەك لێرەیی ژی ژ بێریكا خوە نادە و تەنێ وێ ژ كارمەند و خەلكێ ئالیكاریان بستینە.
ل رۆژئاڤایێ كوردستانێ ئیسال دەردۆرا پێنجی هەزار هكتار زەڤی كو بگەنم و جەهی هاتبوون چاندن، راستی زیانێ ژبەر شەوات و شەوتاندنێ هاتیە.
ژ ئالیەكی دن ڤە ژی پەیەدێ نرخێ كرینا یەك كیلۆ گەنم و جەه ژ نرخێ كو رێژیمێ دەستنیشانكربوو ئەرزانتركربوو.
400
