پۆلیتبیرۆیا پارتیا دیموقراتا كوردستان سووریا راپۆرتا خوە یا مەها حزێرانا 2019 بەلاڤكر

پۆلیتبیرۆیا پارتیا دیموقراتا كوردستان سووریا راپۆرتا خوە یا مەها حزێرانا دوهەزا و نۆزدەهان بەلاڤكر تێ دە هەلوەست و دیتنا خوە دەربارێ رەوش و پێشهاتەیێن داویێ ل سەر ئاستا رۆژئاڤایێ كوردستانی و سووریێ و چارچۆڤەیا چارەسەریا سیاسی تینە زمان.

د راپۆرتا خوە دە پۆلیتبیرۆیا پەدەكەسە دبیژە دیارە هین كریزا سووریێ درێژە، و دبێژە هەر یەك ژ ئیران و توركیێ د خەونێن خوە یێن كەڤن دە نە ب بەرفرەهكرنا دەستهلات و جیۆگرافیا خوە ، هەروەها دبیژە دیارە كو رۆسیا و ئەمەریكا لسەر مژارا سووریێ لهەڤكری نە، و دبیژە گەلەك ئاستەنگی ل پێش چارەسەریا سیاسی هەنە.

پۆلیتبیرۆیا پارتیا دیموقراتا كوردستان سووریا هەروەها دبێژە ئەو هەموو هەولێن هەرێمی و ناڤدەوەلتی د چارچۆڤەیا ئاڤاكرنا ناڤەچەیەكە ئارام ژبۆ گەرەنتیا بجیكرنا ئەولەكاری و جێگیریێ ژبۆ هەموو پێكهاتەیێن كو لخوە دگرە دە تێن، و گەرەك ب سەرپەرەشتیەكە ناڤدەولەتی بە تاكو ئەزموونا عەفرینێ دوبارە نەبە، هەروەها مژارا بجیكرنا رێڤەبەریەكە هەڤبەش نوو ناڤبەرا هەموو پێكهاتەیان دە ل رۆژهلاتێ چەمێ فراتێ ژی د رۆژەڤێ دەیە، و ژبۆ وێ یەكێ هەڤدیتن و راویژكاری تێنە ئەنجامدان، و دیارە كو دەستپیشخەریا فرەنسی ژی ژبۆ نێزیكرنەكێ ناڤبەرا ئەنجومەنا نشتیمانی یا كوردی ل سووریێ و پارتیا یەكیتیا دیموقراتیك پەیەدێ، دكەڤە د وێ چارچۆڤەیێ دە.

هەر دەربارێ دەستپێشخەریا فرەنسی، پۆلیتبیرۆیا پارتیا دیموقراتا كوردستان سووریا د راپۆرتا خوە دە دبێژە هین هەول ژبۆ بجیكرنا جۆرەك ژ جۆرێن نێزیكبوونێ ناڤبەرا ئەنەكەسە و پەیەدە دە ب رێیا دەستپێشخەریا فەرنسی و هەولێن ئەمریكی بەردەوامن، و د ڤێ دەربارێ دە پەدەكەسە و ئەنەكەسە دخوازن هەڤپاریەكە راستەقینە وەرە ئەنجامدان، ئەو یەك ژی ب رێیا پەیداكرنا ئاتمۆسفێرێن پێویست ژبۆ دانوستاندنێ ب شێوەیەكی جدی و كارا، لێ پەیەدێ ب رێیا كریارێن خوە بەرۆڤاژیێ وێ یەكێ دكە، ئەو یەك ژی تێ واتەیا كو پەیەدە نەجدی یە یان ژی بریار نە د دەستێ وێ دەیە، و تەنێ دخوازە بریار و هەلوەستا ئەنجومەنێ دەستەسەر بكە، و ئەو یەك ژی ب هەر شێوەیی نایێ قەبوولكرن.

پۆلیتبیرۆیا پارتی هەروەها دبێژە هەتا كو عەفرین ژ ئالیێ خەلكێ خوە ڤە نەوە برێڤەبرن و دەربدەر نەوەن ڤەگەراندن و پارستنا پێویست نەوە گەرەنتیكرن دێ رەوشا عەفرین و باژارۆك و گوندەوارێن وێ ژ بنپێكرنێن جۆراجۆر یێن بەردەوام لدژی وەلاتی و مالومولكان و شێوەیێن جۆر بجۆر یێن دەستەسەركرن و دزیێ بەردەوام بە، و ئەو یەك بوویە مژارا رۆژەڤێ یا گەلێ كورد ل سووریێ و تەڤگەرا وی یا سیاسی..

134