كۆهین: كریزا سوریێ ژ چارەسەریێ نێزیك بوویە
ارك نيوز .. سەرۆكێ مووسادا ئسرائیلی یوسی كۆهین ئەشكەرە كر پشتی دەرباسبوونا چەندین سال لسەر جەنگا سوریێ كریزا سوریێ ژ چارەسەریێ نێزیك بوویە .
د كۆنگرێ هرتسلیا ل ئسرائیلێ یوسی كۆهین سەرۆكێ مووسادا ئسرائیلی گۆتارەك پێشكیشش كر وتێدە بحسا گەفێن كو وەلاتی ئیران ل ل ئسرائیل و دەڤەرێ دخوە كر و تەكەز كر كو كریزا سوریێ بەر ب چارسەرسیێ ڤە دچە و كریزاسوریێ وێ بداوی وەرە بێ كو توو هوورگولیێن زێدەتر دیار بكە .
سەرۆكێ مووسادا ئسرائیلێ هەروەها د گۆتارا خوە دە گۆت ژی كو ئەو ب توو ئاوایەكی ریێ نادن هێزێن ئیرانی كو بنگەهەكە خوە یا لۆجستی ژبۆ ڤەگوهەستنا چەكان ژبۆ حزب الله لبنانی لسوریێ ئاڤابكن چێ ب ریێا ئێریشێن ئەشكەرە بە یان ژی ب رێێا پێكئانینا ئیریشێن ڤەشارتی بە و دا زانین كو ئەز باوەردكم د پێشەرۆژێ دە وەلاتی ئیرانێ وی پر پۆشمان ببە كو پشتەڤانیا حزب الله لبنانی لسوریێ دكر .
د وی كۆنگری دە كۆهین بال كشان سەر وی یەكی ژی كو نها وەلاتێ ئیرانی هەولا گوهەرتنا جهێ خوە دكە كو د زوترین دەم دە هێزا خوە بشینە بۆ باكورێ سوریێ ب ئارمانجا ئاڤاكرنا كارگەهێن چەكان یێن پێشكەتی ل هەمان دەڤەرێ .
د دەما ئەنجامدانا جڤینا سێ ئالی ل قدسێ ناڤبەرا بەرپرسێن ئسرائیلی و روسی و ئەمەریكی د حەفتیا بووری دە هەرسی ئالی گهشتن هەژمارەك رێكەفتن دەربارێ سوریێ بێ كو ناڤەرۆكا وان رێكەفتنان وەرە ئەشكەرەكرن .
د هەمان دەمێ دە بنیامین نتنیاهۆ سەرۆك وەزیرێن ئسرائیلێ ژ ئالیێ خوەڤە د وێ جڤینێ دە تەكەزی لسەر پێویستیا ڤەگەرا ئەولەهی وئارامی لتەڤایا لسوریێ بتایبەتی پشتی بداویهاتنا شەر لسوریێ .
341
