سەرۆک بارزانی ل گەل سەرکردایەتیا پارتیا دیموقراتا كوردستان-سووریا جڤیا
ئارک نیوز .. ئیرۆ پێنشەمێ ٢٠.٠٦.٢٠١٩ ل سەلاحەدین سەرۆک مەسعوود بارزانی ل گەل سەکرەتەر و ئەندامێن سەرکردایەتیا پارتیا دەمۆقراتا کوردستان-سووریا جڤیا.
د جڤینێ دە، سەکرەتەرێ پ د ک-س سعوود مەلا کورتەیەک ل سەر رەوشا سیاسی یا سووریێ و رەوشا ھەموەلاتیێن کورد و پێشھاتەیێن داویێ پێشکێش کر ھەروەھا بەحسا سیاسەت و کار و چالاکیێن پ د ک-س یێن سیاسی ژی کر. ھەروەھا سپاسیا سەرۆک بارزانی کر کو ژ دەستپێکا کریزا سووریێ و ھاتنا داعشێ پشتەڤانێ گەلێ کورد ل سووریێ بوویە و گۆت کو ئەو یەک ژ بۆ گەلێ کورد ل سووریێ ھێڤیەکە مەزنە.
ھەر د جڤینێ دە، سەرۆک بارزانی بەحسا رەوشا سیاسی ل سەر ئاستا ھەرێمی و ناڤدەولەتی کر و نیگەرانیا خوە دەربارێ پێشەرۆژا گەلێ کورد ل سووریێ نیشان دا و ئامۆژگاریا خوە ئانین زمان. ھەروەھا سەرۆک بارزانی سپاسیا خوەراگریا ئەندام و ئالیگرێن پارتیا دەمۆقراتا کوردستان-سووریا و ھەموەلاتیێن کورد ل سووریێ کر و داخواز کر کو ھەردەم ب ئۆمید و ڤینەکە بھێز بمینن.
689
