شەوتاندنا دەخل ودان  ل سەرانسەری رۆژئاڤایێ كوردستانێ بەردەوامە

شەوتاندنا دەخل ودان ل سەرانسەری رۆژئاڤایێ كوردستانێ بەردەوامە

Jun 18 2019

ارك نيوز .. د هەیاما بیست وچار دەمژمێرێن بووری دە ئاگر ب زەڤیێن چاندنیێ ل چەند ناڤچەیان ل رۆژئاڤایێ كوردستانی كەت و د ئەنجامێ دە ب سەدێ دۆنمان هاتنە شەوتاندن لگەل شەتاندنا هەژمارەك مالێن وەلاتیان .

ژێدەرێن خوەجەهی ژناڤا رۆژئاڤایێ كوردستانێ تایبەت ژ ئاركی رە راگهاندن كو دۆه ل باژارێ سەرێ كانیێ ئاگر ب زەڤیێن گەنم و جەهێن چار گوندان كەت ، دوو ژ وان شەواتان ژ ئالیێ ئاگر ڤەمراندنێ و خەلكێن دەڤەرێ ڤە هاتە كۆنترۆل كرن .

هەمان ژێدەران دانە خویاكرن كو هەردوو شەواتێن دن ل هەردوو گوندێن ئەرقم و النسریە لگوندەوارێ سەرێ كانێ روو دا د ئەنجاما وی ئاگری دە سەد وسیه دۆنم زەڤی هاتن شەوتاندن .

هەروەها ژیدەرێن خوەجەهی دانە زانین كو د ئەنجاما وی ئاگری دە نە تەنی زەڤیێن چاندنیی یێن چۆتكاران هاتن شەوتاندن لێ بەلێ شەش مال ژی بخوە رە شەوتاند بێ كو توو زیانێن جانی د ئەنجاما شەتاندنا وان مالان دە روو بدە .

لباژارێ عامودێ یێ رۆژئاڤایێ كوردستانی ژی دۆه دووشەمێ ئاگر ب هەر یەك ژ گوندێ سێمتكێ نواف و مۆزا و گر حەسار و شدی كەت تەڤی هەولێن خەلكێ دەڤەرێ ژ ڤەمراندنا وی ئاگری رە لێ ئەو ئاگر نەهات كۆنترۆلكرن و د ئەنجامێ دە ب سەدان دۆنم زەڤیێن چەتكارێن كورد هاتن شەوتاندن .

لگوندوارێ باژارێ قامشلۆ ژی ژێدەرین خوەجەهی ژ ئاركێ رە راگهاندن كو شەڤا بووری ئاگر ب دەخل و دانان ل هەر یەك ل گوندێ كجل عرب و گرباوی و كفرێ سبی و ملا سبات و نیڤ و دەمخیە و تل فارس و ناڤ كەر كەت و سەربار كرن كو د ئەنجامێ دە دەردۆرا بیست هەزار دۆنم ژ زەڤیێن گەنم و جەهێن چۆتكارێن كورد شەوتین و سەربار كرن كو ل گوندێ ملا سبات د ئەنجاما وی ئاگری دە دوو مالێن وەلاتیان هاتن شەوتاندن بێ كو زیانێن جانی هەبن .

هەروەها ژێدەرێن خوەجەهی دانە زانین ژی كو دۆه دەمژمێر سیێ عەسرێ ئاگرەك ب زەڤیێن چاندنیی یێ گوندێ النو لنێزیكی باژارۆكێ تل تەمرێ كەت و هەیسەد دۆنم شەتین .

هەروەها ل باژارێ كوبانێ و گوندەوارێ وێ ژی ل چار دەڤەرێن جودا جودا ئاگر ب زەڤیێن چاندنیی یێن چۆتكارێن كورد كەت لێ ژ ئالیێ خەلكێن دەڤەرێ ڤە ئەو ئاگر هاتە ڤەمراندن بێ كو توو زیان بگهێژە دەخل و دانان .





298