ئاگرەك مەزن ب دەخل ودانان ل گوندەوارێ قامشلۆ وسەرێ كانیێ كەت

ارك نیوز .. رۆژانە سی تا چار دەڤەر ل رۆژئاڤایی كوردستانێ ئاگر ب زەڤیێن چاندنیێ یێن چۆتكارێن كورد دكە كو د ئەنجاما وان ئاگران دە ب هەزاران دۆنم زەڤی تێنە شەوتاندن بێ كو تا نها كریزا وێ شەواتێ وەرە كۆنترۆلكرن .

ژێدەرێن خوەجەهی ژناڤا رۆژئاڤایێ كوردستانێ تایبەت ژ ئاركی رە راگهاندن كو دۆه دانێ سیەهێ دەمژمێر یازدێ سبەهێ ل هەر یەك ل گوندێ التنوریە و شۆرك و ناڤكر لگوندەوارێ قامشلۆ ئاگرەك مەزن ب زەڤیێن چاندنیێ كەت و رووبەرك بەرفرەه ژ زەڤیێان شەوتین.

هەر لگۆری هەمان ژێدەران دانە خویاكرن كو د ئەنجاما شەواتا دەخودانێن جۆتكارێن كورد دە لگوندەوارێ قامشلۆ بێهتری دوو هەزار دۆنم زەڤی هاتنە شەتاندن تەڤی هەولا وەلاتیان ژ ڤەمراندنا وی ئاگری لێ نكاریبوون وی ئاگری كۆنترۆل بكن .

هەمان ژێدەران ژ ئاركێ رە دانە زانین كو ل گوندەوارێ هیمۆ ژی ئاگر ب دەل ودانان كەت د ئەنجامێ وێ شەواتێ دە رووبەرەك بەرفرە ژ دەخلان هاتن شەوتاندن .

ل باژارێ سەرێ كانیی ژی لگۆری كو ژێدەرێن خوەجەهی ژ ئاركێ رە راگهاندن كو دۆه رۆژا یەكشەمێ ئاگر ب سێ گوندان كەت ئەوژی گوندێ عین الحسان و و عالیا و تل حمێ بوو كو د ئەنجاما وی ئاگرێ دە زێدەتری دووسەد و دەه دۆنم زەڤیێن گەنم و جەه هاتن شەتاندن .

هەر لگۆری ژێدەرێن دەزگەها چاندنیی ل باژارێ سەرێ كانیێ ئەشكەرە كریە كو ژ نیڤێ مەها گوولانێ تا نها د ئەنجاما شەوتاندنا دەخل ودانێن جۆتكارێن كورد دە ل باژاری سەرێ كانیێ و گوندەوارێ وێ بێهتری هەزار و سیسەد هكتار زەڤیێن گەنم و جەه هاتنە شەوتاندن و گۆتن كو ژبەر وی شەواتێ زەرەرەك مەزن گهشتە خەلكێ دەڤەرێ .

دۆه ژی ل دەڤەرا تل كۆچەرژی ئاگرەك مەزن ب زەڤیین جۆتكارێن كورد كەت و دەما كو هەژمارەك ژوەلاتیان دخوەستن ئاگرێ ب زەڤیێن وان كەتنە ڤەمرینە نەه وەلاتی شەوتین و جانێ خوە ژدەست دان لگەل برینداربوونا حڤدە وەلاتیێن دن كو پرانیا وان برینێن وان گرانن.

ژ دەسپێكا وەرزێ چنینێ كریزا شەواتێ لسەرانسەری رۆژئاڤایی كوردستانێ دەست پێكر و تا نها ئەو كریز بەردەوامە كو رۆژانە سێ تا چار دەڤەر ئاگر روو ددە بێ كو تا نها شەواتا دەخلودانێن جۆتكارێن رۆژئاڤایێ كوردستانێ وەرە كۆنترۆل كرن كو د ئەنجاما وێ شەواتێ دە تا نها ب هەزاران دۆنم زەڤی هاتنە شەوتاندن نە تەنێ وەها لێ بەلێ شەوات جانێ خەلكێ ژی ب خوەرە دبە .

260