سەرۆكاتیا ئەنەكەسێ سەردانا پارتیێن كوردستانی یێن رۆژهلاتێ كوردستانێ كر

ئیرۆ(16.6.2019)، سەرۆكاتیا ئەنجوومانا نشتیمانیا كوردی ل سووریێ ئەنەكەسێ سەردانا پارتیێن رۆژهلاتێ كوردستانێ ل ناڤچەیا كۆیە ل هەرێما كوردستانێ كر.

شاندا ئەنەكەسێ ژ ئالیێ سكرتیرێ پارتیا دەمۆكراتا كوردستان – ئیرانێ حدكا مستەفا هجری وئەندامێن دەستەیا سەركردایەتیا حدكا ڤە هات پێشوازی كرن و هەروها د ئەنەكەسێ سەردانا پارتیا دەۆمركاتا كوردی ل ئیرانێ حدك ژی كر و ژ ئالیێ ئەمیندارێ گشتی یێ پارتیا دەمۆكراتا كوردستانا – ئیرانێ حدك ، مستەفا مەلودی وئەندامێ دەستەیا سەركردایەتی ڤە هات پێشوازی كرن.

ئەندامێ دەستەیا سەرۆكاتێ فیسل یوسف ، تایبەت ژبۆ ئاركێ باسا سەردانا سەرۆكاتیا ئەنەكەسێ كر و گۆت ئەڤ سەردان د چارچۆڤەیا بهێزكرنا پەیوەندیێن كوردستانی دناڤبەرا ئەنجوومانا نشتیمانیا كوردی ل سووریێ و پارتیێن كوردستانی ل رۆژهلاتێ كوردستانێ تێ.

شاندا دەستەیا سەرۆكاتیا ئەنەكەسێ پێك هاتبوو ژ ئەندامێ دەستەیا سەرۆكاتیێ و بەرپرسێ رێڤەبر یێ پۆلیتبیروویا پارتیا دەمۆكراتا كوردستان – سویا ، محمد اسماعیل ، سكرتێرێ پارتیا یەكیتیا كوردستانی – سوریا سلێمان اوسو، سكرتێرێ پارتیا وەكهەڤییا دەمۆكراتا كورد ل سووریێ نعمت داوود، هەڤرێزكارێ گشتی یێ تەڤگەرا چاكسازیا كورد ل سووریێ فێسل یوسف و سەرۆكا پارتیا ئەلوحدە یا دەمۆكراتا كوردستانی فەسلە یوسف وسەرۆكێ نوونەراتیا هەرئەنەكەسێ ل هەرێما كوردستانێ نەواف رەشید و ئەندامێ نوونەراتیێ جدعان علی.

404