محەمەد ئسماعیل: ژبەر خەباتا پارتی، مرۆڤێ كورد ل كوردستانا سووریێ جێوازبوو
محەمەد ئسماعیل بەرپرسێ رێڤەبر یێ پۆلیتبیرۆیا پارتیا دیموقراتا كوردستان سووریا گۆت ژبەر كار و خەبات و دامەزراندنا پارتیا دیموقراتا كوردستان سووریا مرۆڤێ كورد ل كوردستانا سووریێ د ئاستا خوە یا زانستی و رەوشەنبیری و هزرێ نەتەوەیی ژ مرۆڤێ كورد ل پارچەیێن دن یێن كوردستانێ جێوازە.
د سالڤەگەرا شێست و دویان یا دامەزراندنا پارتیا دیموقراتا كوردستان-سووریایێ دە ئسماعیل لێدوانەكە تایبەت دە ژبۆ ئاركێ گۆت دامەزراندنا پارتی بەرهەمێ كار و خەباتا گەلێ كورد ل سووریێ یە و پارتی هلگرێ هزرا نەتەوەیی یا كوردی و هلگرێ ئۆمیدێن گەلێ كورد ل كوردستانا سووریێ یە و كاری لسەر رێبازا بارزانیێ نەمر رێبازا دسلۆزی و جانفیداییێ بمینە.
ئسماعیل هەروەها گۆت دامەزراندنا پارتی بوو بنگەها بزاڤا رزگاریخواز، و كاری بهێز هزرا نەتەوەی یا كوردی د سنگا مرۆڤێ كورد ل كوردستانا سووریێ دە بچینە، و مالەك تونەیە كو ئەندامەكی وان دناڤا پارتی دە كار و خەبات نەكریە، و پارتی بوویە ئالاڤا بجیكرنا ئۆمیدێن گەلێ كورد ژبۆ گەهشتن بۆ مافێ خوە یێ رەوایی.
385
