عەبدولرەحمان ئاپۆ: ٤ ژ دامەزرێنەرێن یەکەمین پارتیا سیاسی یا کوردی ل سووریێ ژ عەفرینێ بوون
ئەندامێ كۆمیتەیا ناڤەندی یا پارتیا دیموقراتا كوردستان سووریا عەبدولرەحمان ئاپۆ د سالڤەگەرا شیست و دویان یا دامەزراندنا یەكەمین پارتیا كوردی سیاسی ل سووریێ گۆت پارتی كاری خوە بپارێزە و پارتیا نها یا پارتیا دیموقراتا كوردستان سووریا هەمان پارتیە یا كو د 14ێ حزیرانا 1957ان دە هاتیە ئاڤاكرن و بەردەوامی ژ كار و خەباتا وێ پارتیێ رە یە.
ئاپۆ د لێدوانەكە تایبەت دە ژبۆ ئاركێ گۆت چار ژ دامەزرێنەرێن یەكەمین پارتیا سیاسی یا كوردی ل سووریێ ژ عەفرینێ بوون و ئەو ژی هەر یەك ژ رەشید حەمۆ، دكتۆر خەلیل محەمەد، شەوكەت نەعسان و محەمەد عەلی خۆجە یە.
ئاپۆ كو گەلەك جاران لسەر دەستێ پارتیا یەكیتیا دیموقراتیك پ ی د ڤە هاتیە گرتن و رەڤاندن، هەروەها گۆت پارتیا دیموقراتا كوردستان-سوریا یەك ژ هلگرێن پرۆژەیا نەتەوەیی یا كوردی یە ب سەرۆكاتیا مەسعوود بارزانی.
481