ب هەزاران دەخل و دانێن جۆتكارێن جزیرێ شەوتین

ب هەزاران دەخل و دانێن جۆتكارێن جزیرێ شەوتین

Jun 11 2019

ارك نیوز .. شەوتاندنا زەڤیێن چاندنیێ یێن جۆتكارێن كورد ل رۆژئاڤایێ كوردستانێ بەردەوامە یا هەری داویژی ب هەزاران دۆنم ل هەردوو باژارێن دێرك و تربەسپیێ یێن دەڤەرا جزیرا رۆژئاڤایێ كوردستانێ هاتنە شەوتاندن .

ژێدەرێن خوەجەهی ژناڤا هەردوو باژارێن تربەسپیێ و دێركێ ژ ئاركێ رە راگهاندن ژ ئاركێ ە راگهاندن كو ئاگرەك مەزن ب دەخلودانێن جۆتكارێن زێدەتری سیه گوندی ل دەڤەرا جزیرا رۆژئاڤایێ كوردستانێ كەت د ئەنجامێ دە ب هەزاران زەڤی شەوتین .

هەمان ژێدەران دانە خویاكرن كو دۆه دووشەمێ ژ دەما نیڤرۆیێ ئاگر ب زەڤیێن گەنم و جەهێن هەر یەك ژ گوندێ خزنە ، حاسودێ ، سوقیێ ، حمارا، تایا، خربە البیر ، سحل، قسرۆك، محمد ژیاب ، تنوریێ، بیازە، سیحا مەزن ، سیحا بیچووك، لیلان ویستگەها ترینێ ، غردووكا، بشێریێ، گوندكێ سەید ، گرێ پەرێ كرداهۆل ، گر شێران ، گردێم، مزگەفت، خزیمۆك، نبوعە، درێجیكێ، معشوق گل حەسەنكا و گوندێ گربكێلێ و دێرونا قوولنگا یێن بسەر باژاری تربەسپیێ یێ رۆژئاڤایێ كوردستانێ كەت .

هەمان ژێدەران دانە زانین كو د ئەنجاما وی ئاگری دە ب هەزاران هكتار زەڤیێن چاندنیێ یێن جۆتكارێن كورد شەوتینە و زیانێن مەزن ژی گهشتنە خەلكێن وێ دەڤەرێ .

هەروەها ژێدەرێن خوەجەهی ئەشكەرە كرن ژی كو ژبلی شەوتاندنا زەڤیێن چاندنیێ ل باژارێ تربەسپیێ ئاگر ب دەخل ودانێن گوندێن سوێدیكێ و سێ گركا یێن گوندەوارێ باژارێ دێركا حەمكو كەت و ب هەزاران زەڤیێن گەنم و جەه یێن جۆتكارێن كورد شەوتی .

هەروەها ل باژارێن حەسەكێ و عامویێ یێن رۆژئاڤایێ كوردستانێ ژی ئاگر ب زەڤیێن چاندنیێ یێن جۆتكارێن كورد كەت كو د ئەنجاما وی ئاگری دە ژی هەزاران دۆنم ژ زەڤیێن گەنم و جەه هاتنە شەوتاندن و زیان گهشتنە خەلكێ وێ دەڤەرێ .


342