23 مەلیۆن زارۆك ل جیهانی ژێر 15 سالی زەوجینە

23 مەلیۆن زارۆك ل جیهانی ژێر 15 سالی زەوجینە

Jun 08 2019

ل جیهانێ دەردۆرا 115 مەلیۆن زارۆكێن كور یێن ژێر هژدە سالی زەوجینە و ژ وان 23 مەلیۆن زارۆك بەریا كو تەمەنێ وان ببە 15 سال، زەوجینە.

رێخستنا نەتەوەیێن یەكگرتی یا زارۆكاتیێ یوونیسێف لێكۆلینەك ل 82 وەلاتان پێك ئانی و گۆت هەژمارا گشتی یا پێشبینیكری یا حالەتێن زەواجا زارۆكان دگهێژە 765 مەلیۆن زارۆكی، كو ل وەلاتێن ئەفریقیا و ئەمەریكایا لاتینی و ناڤچەیا دەریایا كاریبی و باشوور و رۆژهلاتێ ئاسیا زەواجا زارۆكێن كور بەربەلاڤە.

ل گۆری ئاگاهیێن یوونیسێفێ كو 28% ژ كورێن وەلاتێ ئەفریقیایا ناڤەراست دەما كو زارۆكبوون زەوجینە، كو ب وێ یەكێ د پلەیا یەكەمین د زەواجا زارۆكان دە یە، د پلەیا دویەمین دە وەلاتێ نیكاراگوا ب رێژەیا 19% و مەدغشقەر د پلەیا سێیەم دە ب رێژەیا 13%.

رێڤەبەرا جیبجیكار یا یوونیسێڤێ هنریتا فۆر گۆت كو زەواج زارۆكاتیێ ددزە و بووك و زاڤایێن زارۆك نەچار دبن بەرپرسیایەتیان هلبگرن، و گۆت زەواجا زوودەم رێ ل پێش باڤتیا زوودەم ڤەدكە و ئەو یەك ب خوەرە گەلەك دەرئەنجامان مینا كێمبوونا دەفەتێن خوەندن و كار دەردخە.

ل ناڤا پەنابەرێن سووریێ ژی، رێژەكە زارۆكێن ژێر هژدە سالی زەوجینە لێ تا نها تو لێكۆلین و ئامار دەربارێ وێ یەكێ نەهاتنە ئەشكەرەكرن.


102