ب بهانەیا هەبوونا ئەندامێن پەکەکێ ئێریش ل سەر گوندێن عەفرینێ تێنە ئەنجامدان
ب بهانەیا هەبوونا گرووپێن یەپەگێ وپەکەکێ ئارتێشا تورکیێ و ب ئالیکاریا گرووپێن چەکدار ئێریشی گوندەکی ناڤچەیا راجۆ کرن ودارێن چیایی شەوتاندن .
ل گۆر ژێدەرێن ئارکێ کو دوه رۆژا یەکشەمێ 15/7/2018 ئارتێشا تورکیێ وگرووپێن چەکدار ب ئۆتۆمبێلێن لەشکەری ئێریشی گوندێ چەقماقا یێ ناڤچەیا راجۆ یا عەفرینێ کرن وب بهەنایا هەبوونا ئەندامێن پەکەکێ هن جوانێن گوندێ ناڤبوری بنچاڤ کرن .
پشترە گرووپێن چەکدار ئاگر ب چیای گوند خستن و ئاگر گهشت گوندێ جەلا یێ ناڤچەیا بلبلێ هەروەها ئاگر ب دارێن زەیتونان ژی کەتن وزیانەک مەزن گهشت مال وملکێن وەلاتییان .
بەریا دەمەکێ ژی ژبەر هەمان سەدەمێ ئەنگو هەبوونا ئەندامێن پەکەکێ ئیریشی گوندێ خلالکا کربوون وهن جوان ب تۆمەتا ئەندامتیا پەکەکێ بنچاڤ کربوون .
شێخۆ عەفرینی
666
