ئەلمانیا تا داویا 2019ان تو پەنابەرێن سووریێ ڤەناگەرینە
وەلاتێ ئەلمانیا تو پەنابەرێن سووری تا داویا سالا دوهەزار و نۆزدەهان ژبۆ سووریێ ڤەناگەرینە.
ئاژانسێن نووچەیان یێن ئەلمانی بەلاڤكرنە كو وەزیرێن ناڤخوە یێن ویلایەتێن ئەلمانیا ل سەر دریژكرنا ماوەیا راوەستاندنا دەركرنا پەنابەرێن سووریێ و ڤەگەراندنا وان بۆ سووریێ تا داویا دوهەزار و نۆزدەهان لهەڤكرنە، و ئەو یەك وەكە بریارەكە فەرمی دێ د حەفتیا بێ دە وەرە راگهاندن.
وزارەتا دەرڤە یا ئەلمانیا د راپۆرتەكە خوە یا بەرێ دە رەوشا سووری بخراب بناڤ كر نەخاسم ژبۆ وان كەسێن كو ڤەدگەرن وەلاتێ خوە، و د راپۆرتێ دە هاتیە كو كەسێن ڤەدگەرن سووریێ راستی گرتنا هۆڤانە تێن.
شەش ویلایەتێن ئەلمانیا، بافاريا وبادن- فورتمبرغ وباكورێ راين- فيستفاليا وزارلاند وسكسۆنيا وسكسۆنيا-ئەنهالت، بنیازن هەڤپێچەكێ ب بریارێ رە دەرخینن كو تێ دە دوبارە خوەندنەك ل پەنابرێن سووریێ بشێوەیەكی جودا وەرە كرن نەخاسم ل وان پەنابەرێن سووری یێن كو ئعترافێ ب رێژیما ئەسەد دكن، یان ل وان پەنابەرێن كو سەرەدانا سووریێ دكن، ئەو كەسانە ل دەرڤەیی بریارا راوەستاندنا دەركرنێ وەرن بەرچاڤبرن، ژبەر كو ژیانا وان ل سووریێ نە دمەترسیێ دەیە.
هەروەها ویلایەتێن هيسن ومكلنبورغ- فوربومرن وشليسفيغ-هولشتاين، ژی د كۆنگرێ وەزیرێن ناڤخوە یێن ئەلمانیا د بەرچلەیا بۆری دە ئەڤ نەرین لخوە گرتبوون و راگهاندبوون.
حكوومەتێن ویلایەتێن ئەلمانیا بگشتی داخوازا جوداكرنا پەنابەرێن سوورێ لگۆری رەوش و تاوان و تۆمەتباركرنا هەر پەنابەركی دكن، و دوبارە خوەندنەك ل گۆری رەوشا هەر پەنابەری وەرە كرن.
431