ئسرائیل بالافرخانەیا تیفور یا لەشكەری ئارمانج كر

ارك نیوز .. ئارتێشا ئسرائیل بالافرخانەیا لەشكەری یا تیفۆر لگوندەوارێ حمسێ لسوریێ ئارمانج كر و د ئەنجامێ دە هەژمارەك چەكدارێن رێژیمێ هاتن كوشتن وبرینداربوون .

ئاژانسا سانا یا بسەر رێژیما ئەسەد ڤە لسەر زارێ ژێدەرەكە لەشكەری ڤەگوهەست كو بەربانگا ئیرۆ بالافرخانەیا تیفور یا لەشكەری لگوندەوارێ حمسێ راستی ئێریشەكە مووشەكان یا ئسرائیلی هات لێ سیتەما بەرەڤانیا مووشەكان یا رێژیمێ ئەو ئێریشا مووشەكان یا ئسرائیلی تیكشاند .

هەمان ژیدەرا لەشكەری سەربار كر كو لگۆری ئامارێن سەرەتایی تا نها چەكدارەكی رێژیمێ هاتیە كوشتن و دوو چەكدارێن دن برینداربوونە سەرباری ئارمانجكرنا عەمبارەكە چەك و تەقەمەنیان .

هەروەها دا زانین كو سیستەمێ بەرەڤانیا ئەسمانی یا رێژیمێ كاریە بەرسڤا وێ ئێریشا ئسرائیلی بدە و كاریە دوو مووشەكێن ئسرائیلی تێك ببە .

ژ ئالیێ خوەڤە ژی رەوانگەها سوریێ یا مافێ مرۆڤان راگهاند كو ئارتیسشا ئسرائیلی عەمبار و بنگەهێن لەشكەری یین بسەر باسدارێن ئیرانی ل بالافرخانەیا تیفور كرە ئارمانج و لگۆری ئامارێن رەوەانگەهێ د ئەنجاما وێ ئێریشێ دە بكێمانی پێنج چەكدارێن ئیرانێ كو دناڤ واندە چەكدارەكی رێژیما ئەسەد هەبوو هاتن كوشتن و هەژمارەك چەكدارێن دن بگرانی برینداربوون وگۆت كو ئەگەر هەیە هەژمارا كوشتیان زێدەترببە ژبەر گرانیا برینێن وان .

ئەڤە دووم ئێریشە كو د هەیاما بیست وچاردەمژمێران بووری ژ ئالیی ئارتێشا ئسرائیلی ڤە لسەر خاكا سووریێ تێ ئەنجام دان .

ئارتێشا ئسرائیلی بەربانگا رۆژا یەكشەمێ ئیڕیشەك بر سەر هەژمارەك باراگەهێن رێژیما ئەسەد ل قنێترا و باشورێ رۆژئاڤایێ شامێ كو د ئەنجامێ دە سێ چەكدارێن رێژیمێ هاتن كوشتن و حەفت چەكدارێن دن برینداربوون.


كو ژ ئالیێ خوە ڤە ئارتێشا ئسرائیلێ دا زانین كو وان بەرسڤا دوو مووشەكێن كو ژ ناڤا خاكا سوریێ ڤە هاتنە ئاڤێتن و ل بلنداهیێن چیایی شێخ و چۆلانێ كەتنە دانە .

د بیست و حەفتێ مەها بووری دە ژی ئارتێشا ئسرائیلی ئێریشەك ل گوندەوارێ قنێترا ئەنجام دابوو و د ئەنجامێ فەرماندارەكی رێژیما ئەسەد هاتبوو كوشتن .

378