بریارە ل قدسێ جڤینەك سێ ئالی دەرباری سوریێ وەرە ئەنجام دان

ارك نیوز .. رۆژنامەیا شرق ئەلئەوسەت ئەشكەرە كر كو بریارە د دەمەكە نێزیك دە ل قدسێ جڤینەك سێ ئالی ناڤبەرا نوونەرێن وەلاتێن روسیا و ئسرائیل و ئەمەریكا دە ژبۆ گەنگەشەكرنا دۆسەیا سوریێ بتایبەت هەبوونا ئیرانی د سوریێ وەرە ئەنجاتم دان .

هەمان رۆژنامەیێ لسەر زارێ ژێدەرێن دبلوماسی یێن رۆژئاڤایی ڤەگوهەست كو بریارە د رۆژێن بێ دە ل قدسێ سەرۆكێ ئەنجوومەنا ئەولەهیا نەتەوی یا ئەمەریكی جۆن بۆلتۆن لگەل هەردوو هەڤشانێن خوە یێ روسی نیكۆلای پاترۆشیف و یێ ئسرائیلی مئیر بن شبات رە بجڤە داكو دەسەیا سوریێ بتایبەتی پێشەرۆژا هەبوونا ئیرانێ لسوریێ گفتووگۆ بكن .

هەر لگۆری هەمان رۆژنامەیێ ئەشكەرە كریە كو د وێ جڤینا سێ ئالی دە ئەمەریكا بنیازە گرێبەستەكێ دەرباری سوریێ پێشكێشی وەلاتێ روسیێ بكە .

رۆژنامەیا شەرق ئەلئەوسەت لسەر زارێ هەمان ژێدەرێن دبلوماسی بێ كو ناڤێ وان دیار بكە راگهاند ئەو جڤین وێ دبن ناڤنیشانا گەنگەشەكرنا ئەولەهیا هەرێمی ل رۆژهەلاتا ناڤین وێ وەرە ئەنجام دان و ئاماژە كر كو ئەنجامدانا ڤێ جڤینا سێ ئالی لسەر داخوازا فلادیمێر پۆتین سەرۆكێ روسیێ و دۆنالد ترامپ سەرۆكێ ئەمەریكایێ دەربارێ پێویستیا دانا گرنگییێ ژبۆ گەرەنیا ئەولەهیا ئسرائیلێ تێ.

هەروەها ژێدەرێن دبلۆماسی دانە زانین كو د جڤینێ دە وی وەلاتێ ئەمەریكا نەخشە رێیەكی دەرباری سوریێ لسەر روسیی پێشنیار بكە داكو روسیی تدابیرێن پێویست دەربارێ رۆلا ئیران و پرۆسەیا سیاسی لسوریێ مینا ئاڤاكرنا كۆمیتەیا دستوری یا سوریێ و جیبجیكرنا بریارا ئەنجومەنا ئەولەهیا ناڤدولتی بیست و دوو پێنجی وچار یا گرێدایی ب راوەستاندنا شەر لسوریێ و گهشتن ب چارەسەریەكە سیاسی ژبۆ بداویئانینا كریزا سوریێ بستینە .

612