34 كۆچبەرێن سووری ل لوبنانێ هاتن گرتن

هێزێن ئەولەكاریا لوبنانێ 34 كۆچبەرێن سووری ل ناڤچەیا ئەلبقاع گرتن.

رێڤەبەریا گشتی یا هێزێن ئەولەكاریا ناڤخوە یا لوبنانێ راگهاند كو رۆژا سێشەمێ 28ێ گۆلانێ وان 34 وەلاتیێن سووریێ، ژ وان شازدە زارۆكن، ب تۆمەتا دەرباسبوونا ب قاچاغ بۆ لوبنانێ گرتن.

ل لوبنانێ دەردۆرا یەك مەلیۆن پەنابەرێن سووریێ هەیە، و ب وێ یەكێ لوبنان د پلەیا دویەم د وارێ وەرگرتنا پەنابەران دە یە، پشتی توركیێ.

بەریا دەردۆرا مەهەكێ ژی 31 كۆچبەرێن سووریێ كو ب قاچاغی دەربارسی باژارۆكێ ئەلسوێری یێ ناڤچەیا ئەلبقاع یا لوبنانێ بوون دناڤ وان دە 11 زارۆك ژی هەبوون هاتنە گرتن.

كۆچبەرێن سووریێ كو هەولددن خوە بگهینن لوبنانێ، گەلەك جاران ب رێیێن ئالۆز و زەحمەت دەرباس دبن، و ژبەر وێ یەكێ بدەهان كۆچبەرێن سووریێ ژبەر سەرمایێ بەریا نها ژیانا خوە ژدەست دانە.

رۆژا 18ێ نیسانا بۆری، رێڤەبرێ گشتی یێ ئەولەكاریا لوبنانێ عەباس ئبراهیم بریارك ستاند كو هەر كۆچبەرەكی سووری بقاچاغی دەرباسی لوبنانێ ببە دێ ژبۆ وەلاتێ خوە وەرە ڤەگەراندن.

ل گۆری ئامارێن فەرمی كو بهتری 100 هەزار پەنابەرێن سووری ژ لوبنانێ بۆ سووریێ ڤەگەریانە، لێ چالاكڤان دبێژن ئەو نە ڤەگەرە لێ ڤەگەراندنەكە ب نەچاری یە، و تەڤی كو بەحسا سەراستكرنا رەوشا وان پەنابەران ل سەر سینۆر تێ كرن لێ پشتی ڤەدگەرن راستی ئاستەنگیان ژ ئالیێ رێژیما سووریێ ڤە تێن.

420