شەوتدانا زەڤی و بەرهەمان ل كوردستانا سووریێ بەرفرەهبوویە

ئەڤە چەند رۆژن چنینا بەرهەمێن چەه و گەنم ل سووریێ و ناڤچەیێن رۆژئاڤایێ كوردستانێ دەستپێكرنە، شەوات و شەوتاندنا زەڤی و بەرهەمان ی هین بەردەوامە، بێ كو تو چارە ژێ رە بێ دیتن.

ل گۆری ئامارێن فەرمی تا نها بهتری 20 هەزار دۆنمی ل ناڤچەیێن جزیرا رۆژئاڤایێ كوردستانێ ژبەر شەواتێ راستی زیانێ هاتیە.

دوه ل گوندێ فەریسە یێ گوندەوارێ باشوورێ سەرێ كانیێ، یێ رۆژئاڤایێ كوردستانێ بهتری 200 دۆنم زەڤی كو بگەنم هاتبوو چاندن شەوتی و هەولێن وەلاتیان ژبۆ ڤەمراندنێ بسەر نەكەتن، هەروەها 800 دۆنم ل گوندێ ئەلبەرم ژی شەوتی.

ل گوندێ ئەلبوێر و بەێزا یێ گوندەوارێ حەسەكێ ژی ئاگرەك ب هەژمارەك زەڤی كەت و وەلاتیان كارین بەشەكێ ژ وان ئاگران ڤەمرینن لێ تەڤی وێ یەكێ زیانەكە مەزن گەهشت بەرهەمێن چاندنیێ.

هەر ل حەسەكێ ئاگر گرتە زەڤیێن نێزیكی تاخێن غوێران و ڤێلات ئەلحومور ژی.

ل گوندەوارێ باژارۆكێ تربەسپیێ ژی ئاگرەك ب زەڤیێن ناڤبەرا گوندێ محەمەد زیاب و گوندێ مكرینات كەت و پشتی هەولەكێ، ئەو ئاگر هات ڤەمراندن و زیان گەهشتن بەرهەمان.

ل گوندەوارێ باژارۆكێ تلكۆچەر ژی هەژمارەك زەڤی شەوتین.

ژ دەستپێكرنا وەرزێ چنینێ یێ ڤێ سالێ ڤە و دیاردەیا شەوتاندنا زەڤیان دەستپێكریە، و بهەزاران زەڤی راستی زیانێ هاتنە، چۆتكار ژی ناڤبەرا مەترسیا شەواتێ، و كێمبوونا نرخێ فرۆشتنا بەرهەمان، و تەكلیفەیێن بلند وندایی مانە.

592