ریژیما ئەسەد و روسیا د ئارمانجكرنائدلبێ دە بەردەوامن

ارك نیوز .. رێژیما ئەسەد و روسیا د ئارمانجكرنا دەڤەرێن لباكورێ سوریێ بتایبەتی باژارێ ئدلبێ و گوندەوارێ وێ دە بەردەوامن یا هەری داوی ژی بالافرێن شەركەر یین روسی بتوندی باژارێ خان شێخۆن لگوندەوارێ ئدلبی ب چەند ئۆپەراسیۆنێن ئەسمانی كرە ئارمانج .

چالاكڤانێن دناڤا باژارێ ئدلبێ دە راگهاندن كو د هەڤدەمی بەردەوامبوونا چەكدارێن رێژیما ئەسەد ژئارمانجكرنا باژار و باژارۆكێن لگوندواری ئدلبێ بتایبەتی ل دەردۆرا خان شێخون بالافرێن روسی ژ ئالیێ خوەڤە باژارێ خان شێخون لگوندوارێ ئدلبێ بتووندی بوومبەباران كر و د ئەنجامێ دە دوو وەلاتیێن سڤیل جانێ خوە ژ دەست دان لگەل برینداربوونا هەژمارەك كەسێن دن .

هەمان چالاكڤانان دانە دیاركرن كو هێزێن رێژیما ئەسەد ژی سەرێ سبەهێ ب دەهێن ئۆپەراسیۆنێن ئەسمانی هەر یەك ژ باژارۆكێ احسم و جبل الاربعین و كنسفرا و كفرۆ عبد و معرە حرمە وعابدین و دەردۆرا خان شێخۆن هەروەها گوندێ جبل الزاویە بومبەباران كرن و دانە زانین كو د ئەنجاما وێ وان ئێریشان دە هەژمارەك قربانی ناڤبەرا كوشتی و برینداران دە كەتن .

هەر لگۆری هەمان ژێدەران كو د ئەنجاما وان ئێریشێن تووند و دژوار لسەر باژار وباژارۆكێن لگوندەوارێ ئدلبێ هەژمارەك ناڤەندێن تەندروستی و نەخشخانە و دبستان هاتن رووخاندن و سەرباركرن كو ژبەر بەردەوامیا وان ئێریشان ژ ئالیێ رێژیما ئەسەد و روسیی پرانیا نەخشخانە و ناڤەندێن تەندروستی ژ كار دەركەتنە .

هەمان چالاكڤانان ئەشكەرە كرن كو ژبەر بەردەوامبوونا ئێریشێن رێژیما ئەسەد ژ ئالیەكی و بالافرێن شەركەر یێن روسی ژ ئالیەكی دنڤە لسەر باژارێ ئدلبێ خەلكێن دەڤەرێ نەچاربوونە كو دەڤ ژ مال و مللكێن خوە بەردن و دەربەدەری دەڤەرێن ئارام ببن كو تا نها ب سەدێ هەزاران ژ سڤیلان دەربەدەربوونە .

رۆژ ب رۆژ و رێژیما ئەسەد و روسیا ئێریشێن خوە لسەر دەڤەرێن جودا جودا لباكورێ سوریێ گوورتر دكە كو د ئەنجاما وان ئێریشان دە رۆژانە قربانی دناڤبەرا كوشتی وبرینداران دە دكەڤن سەرباری رووخاندنا ژێر خانە و ناڤەندێن تەندروستی و دبستان و مزگەفتێن وێ دەڤەرێ .

418