ل قامشلۆ رێژيم چالاكيێن خوه بهرفرههتر دكه
ARKNEWS : چالاكیێن رێژیما سووریێ و پارتیا البهعس و دهزگهه و ئالیێن بسهر ڤه ل ناڤا باژارێ قامشلۆ و حهسهكێ یێن رۆژئاڤایێ كوردستانێ بهرفهرهتر دبن, د وان چالاكیان ده ژی سهركردهیێن پارتیا البهعس و یێن لهشكهری و بهرپرسێن پلهبند یێن رێژیمێ بهشدار دبن, دیمهنێن وان چالاكیان ژی مینا بهریا دوههزار و یازدههان وهكه كو تشتهك روونهدایه و وهكه كو ژبلی رێژیمێ تو ئالیێن دن ل قامشلۆ نینن.
هوون ب خێر هاتن بۆ كامپا دلسۆزیێ بۆ وهلێت و فهداكاری بۆ بهشار ئهسهد, ئهڤ سلۆگان لناڤا باژارێ قامشلۆ بلندكریه ئانگو باژارهكی كو ژ دوههزار و یازدههان تا نها ب ههزاران جوانێن كورد یێن كهچ و كورین وی باژارێ ل ناڤچهیێن دن مینا منبج و تهبقا و رهقا و دێرازۆرێ شههیدبوونه, و ل ڤی باژری پارتیا یهكیتیا دیموقراتیك دبێژه وێ رێڤهبهریهك ئاڤاكریه و فدرالیهك راگهاندیه و رێناده تو چالاكی بێ مۆلهتا وێ وهرن لدرخستن
كۆمبهندا قامشلۆ یا یهكیتیا جوانێن شۆرهشێ یا بسهر رژیمێ ڤه كامپهكه راهێنان و چالاكیان ل ناڤا باژارێ قامشلۆ لدارخستیه, و ومینا بهرێ ئالا رژیمێ و وێنهیێن سهرۆكێ وێ بهشار الاسد ب بهرفرههی تێنه بلندكرن, ههڤدهمی كو پارتیا یهكیتیا دیموقراتیك پهیهدێ ههموو ئال و وێنه و سلۆگانێن خوه ژ ناڤا باژارێ قامشلۆ و باژارێن دن یێن رۆژئاڤایێ كوردستانێ دادخه
ژبۆ ڤێ كامپا چالاكیان, ئهمیندارێ شاخێ حهسهكێ یێ پارتیا البعس تركی حهسهن, و بهرپرسێن شاخێ قامشلۆ یێن پارتیا البعس ههروهها رێڤهبرا پهروهردهیا رژیمێ ئلهام سۆرخان و گهلهك بهرپرسێن دن گههشتنه قامشلۆ و ههڤدیتنان پێك تینن
ههر ل باژارێ قامشلۆ و د بهردهوامیا چالاكیێن رژیمێ ده, سهمینارهكه بهرفرهه ل قامشلۆ ب بهشداریا نوونهرێن پارتیا البعس ژ دێركێ تا حهسهكێ هات لدارخستن
ل گۆری میدیایا بسهر رژیمێ ڤه كو ئهمیندارێن شاخێن پارتیا البعس یێن قاملشۆ و گوندهوارێ وێ, رمێلان و دێركێ, د سهمینارا پارتیا البعس كو ل ناڤهندا رهوهشنبری هات لدارخستن, ئامادهبوون
ل باژارێ قامشلۆ و باژار و باژارۆكێن دن یێن رۆژئاڤایێ كوردستانێ ههڤدهمی لدارخستنا رژیمێ ژ چالاكیێن خوه ره و برێڤهبرنا كارێ خوه مینا بهرێ, تهنێ وهلاتیێن كورد راستی دهستهلاتداریا پارتیا یهكیتیا دیموقراتیك و چهكدارێن وێ تێن, باج, هشیاری, گهف, گرتن, رهڤاندن, ئشكهنجهدان, و فهرزركرنا یاسایێن لهشكهریا نهچاری , ئایدیۆلۆچكرنا رێبازێن خوهندنێ و گهلهك كریارێن دن ژیانا وهلاتیێن كورد یێن رۆژئاڤایێ كوردستانێ كرنه د ئاستهكه نهخوهش و زهحمهت ده و بوونه سهدهم كو ب ههزاران مالباتیًن كورد ژ رۆژئاڤایێ كوردستانێ كۆچبهر ببن و رێژهیا جوانان ل رۆژئاڤایێ كوردستانێ گهلهكی كێم ببه و پرۆسهیا خوهندنێ تێك بچه, ههڤدهمێ وێ یهكێ ئالیگرێن رژیمێ و عهرهبێن غهمر و یێن ناڤچهیێ د ژیانا خوه یا نۆرمال و رێخوهشكری و لڤ و تهڤگهرا خوه ده بهردهوامن
وێنه و سلۆگان و ئال هاتن داخستن و نها لقامشلۆو پشتی دهردۆرا حهفت سالان ژ شۆرهشێ سلۆگانا: هوون بخێر هاتن بۆ كامپا دلسۆزی بۆ وهلێت و فهداكاری بۆ بهشار ئهسهد بلندكریه.
979
